Böyük məlumat sızıntısı sayəsində yeni iPhone'lar barəsində çox şey məlum oldu

Böyük məlumat sızıntısı sayəsində yeni iPhone'lar barəsində çox şey məlum oldu

15.08.2019 PAYLAŞIM

    iPhone 11-in təqdimatına az müddət qalmış bu smartfon barəsində daha çox məlumat ortaya çıxmağa davam edir. Phonearena saytı isə son zamanların ən böyük məlumat sızıntısını təqdim edərək bu ilki iPhone modellərinin nəinki texniki göstəricilərini həm də onların hansı rənglərdə satılacağını bildirib. Bu barədə 4pda saytı xəbər verib. Phonearena saytının öz mənbələrinə istinadən verdiyi məlumata əsasən iPhone 11 A13 Bionic prosessoru vasitəsilə çalışacaq və smartfonun Pro modeli 4 GB RAM ilə təchiz olunacaq. Smartfonlar 128/256/512 GB daxili yaddaş həcminə sahib olacaqlar. 1 TB daxili yaddaşa sahib iPhone modeli isə 2020-ci ildən tez çıxmayacaq.

    LCD Liquid Retina ekranlardan imtina etmək niyyətinə baxmayaraq şirkət həmin ekranları bu ilki iPhone 11R modellərinə quraşdıracaq. Bu il təqdim olunacaq hər 3 iPhone modelinin ön panelinin yuxarısında Face ID texnologiyası üçün nəzərdə tutulmuş çıxıntı hissə olduğu kimi qalacaq. Bununla belə Face ID texologiyasının işi daha da sürətləndiriləcək. iPhone 11 və iPhone 11 Pro modellərinin arxa panellərində üç kamera modulu yerləşəcək və onlar saniyədə 30 kadr sürətlə 4K keyfiyyətində video çəkə biləcəklər.

    Təkmilləşdirilmiş mikrofonlar isə videoları stereosəs ilə çəkməyə imkan verəcəklər. Həmçinin bu ilki iPhone modellərinin kameralarında portret rejimi də təkmilləşdiriləcək. Belə ki, bu cür çəkiliş zamanı hər 3 kamera çalışacaq və yenilənmiş süni zəka alqoritmlərindən istifadə olunacaq. Smartfonların arxa panelləri isə tutqun rəngdə olan şüşə materialdan hazırlanacaq və bəzi modellərdə qradient rənglərə sahib olacaq. Standart boz və gümüşü rəngdə iPhone modellərindən başqa tünd yaşıl və qızılı rəngdə modellərin də satışa çıxacaqları gözələnilir. Qeyd etmək lazımdır ki, yeni iPhone modellərinin təqdimatları gələn ay baş tutacaq.



SİZƏ MARAQLI OLACAQ BİR NEÇƏ MƏLUMAT


Redmi Note 8 Pro'nun qiyməti təqdimatdan öncə məlum oldu

Redmi Note 8 Pro smartfon modelinin təqdimatına çox az zaman qalmış onun barəsində demək olar ki, hə..


Redmi brendi artıq K20 smartfon modelinin davamçısı üzərində çalışır

May ayında Xiaomi şirkətinin Redmi brendi Redmi K20 smartfon seriyasını təqdim etmişdi.


Azercell 'Rəqəmsal Dünya Bölgələrdə' layihəsi çərçivəsində uşaqları və məcburi k..

Azercell Telekom “Rəqəmsal Dünya Bölgələrdə” şüarı altında iyul ayından başlayaraq ölkənin şəhər bə ..


Mercedes-Benz şirkəti öz alıcılarını izlədiyini etiraf edib

Smartfon istifadəçiləri artıq təəccüblənmirlər ki, həmin smartfonlr onların yerləşdikləri yerləri iz..


Onlayn sağlamlıq proqramları və məşqlər üçün yeni yerli tətbiq təqdim olundu - F..

Tətbiqin ən əsas üstünlüyü ondan ibarətdir ki, bu proqramlar sizə təsadüfi və kor təbii şəkildə təqd..


ABŞ'ın Huawei şirkətinə təqdim etmiş olduğu lisenziya daha 3 aylıq uzadılacaq..

ABŞ-ın ticarət nazirliyi Huawei şirkətinə qarşı təyin edilmiş sanksiyaların daha 3 ay təxirə salınma..