Büdcəli smartfonlar üçün MediaTek Dimensity 7350 prosessoru təqdim edilib
Elm & Texnologiya
17.07.2024
Emil
MediaTek şirkəti heç gözlənilmədən büdcəli smartfonlar üçün nəzərdə tutulmuş yeni prosessorunu təqdim edib. Söhbət, Dimensity 7350 prosessorundan gedir. Beləliklə bu yeni prosessor 8 nüvəyə sahibdir və o, TSMC şirkətinin ikinci nəsil 4 nanometrlik texnoloji prosesi əsasında hazırlanıb. Dimensity 7350 prosessoru özündə 2 ədəd Cortex-A715 nüvəsini və 6 ədəd Cortex-A510 nüvəsini birləşdirir. Prosessorun çalışma tezliyi isə 3.0 GHz təşkil edir.
Prosessorda qrafik imkanlardan Mali G610 MC4 qrafik çipi cavabdehdir. Süni zəka tapşırıqlarının yerinə yetirilməsi mövzusunda Dimensity 7350-yə MediaTek 657 adlı neyron çipi yerləşdirilib. Üstəlik prosessor 5G modemə də sahibdir. Dimensity 7350 144 Hz-lik təsvir yenilənməsinə sahib Full HD+ keyfiyyətli ekranları, LPDDR5 və LPDDR4x standartlı RAM yaddaşlarını, UFS 3.1 standartlı daxili yaddaş həcmlərini və 200 MP-ə kimi kameraları dəstəkləyir. Dimensity 7350-yə sahib ilk smartfonların yaxın zamanda təqdim olunacaqları gözlənilir.
Paylaş
