Büdcəli smartfonlar üçün MediaTek Helio G100 prosessoru təqdim edilib

     MediaTek şirkəti büdcəli smartfonlar üçün nəzərdə tutulmuş yeni prosessorunu təqdim edib. Söhbət, MediaTek Helio G100-dən gedir. Bu prosessorun əsas fərqləndirici özəlliyi ondan ibarətdir ki, o, yüksək MP göstəricili kameraların dəstəklərini əldə edib. Beləliklə MediaTek Helio G100 prosessoru 8 nüvəlidir. O özündə 2.2 GHz tezlikdə çalışan 2 ədəd Cortex-A76 nüvəsini və 2.0 GHz tezlikdə çalışan 6 ədəd Cortex-A55 nüvəsini birləşdirir.

      Prosessor LPDDR4X standartlı RAM yaddaşlarını və UFS 2.2 standartlı daxili yaddaş həcmlərini dəstəkləyir. Bununla yanaşı bu yeni prosessor 2520x1080 piksel keyfiyyətinə kimi olan ekranların və 200 MP-ə kimi olan kameraların dəstəklərinə sahibdir. MediaTek Helio G100-ü ilk əldə etmiş smartfon TECNO Camon 30S Pro oldu. Lakin yaxın zamanda bu yeni prosessora sahib daha çox smartfon təqdim ediləcək.