Büdcəli smartfonlar üçün MediaTek Helio G91 prosessoru təqdim edilib
Elm & Texnologiya
29.02.2024
Emil
MediaTek şirkəti büdcəli smartfonlar üçün nəzərdə tutulmuş yeni prosessorunu təqdim edib. Söhbət, MediaTek Helio G91-dən gedir. Bu yeni prosessor 12 nanometrlik texnoloji proses əsasında hazırlanıb və o, 8 nüvəyə sahibdir. Prosessorda nüvələr “2+6” sxemi üzrə yerləşiblər. Yəni MediaTek Helio G91 özündə 2.0 GHz tezlikdə çalışan 2 ədəd Cortex-A75 nüvəsini və 1.8 GHz tezlikdə çalışan 6 ədəd Cortex-A55 nüvəsini birləşdirir.
Prosessorda qrafik imkanlardan Mali-G52 MC2 qrafik çipi cavabdehdir. Qeyd etmək lazımdır ki, bu yeni prosessor 5G dəstəyinə sahib deyil. Buna baxmayaraq MediaTek Helio G91 90 Hz-lik təsvir yenilənməsinə sahib Full HD+ keyfiyyətli ekranları, 8 GB-a kimi LPDDR4x standartlı RAM yaddaşlarını, 108 MP-ə kimi kameraları və Wi-Fi 5 texnologiyasını dəstəkləyir. Helio G91 prosessoruna sahib ilk smartfonların yaxın zamanda təqdim olunacaqları gözlənilir.
Paylaş
Ən çox oxunanlar
Səudiyyə Ərəbistanının "The Line" layihəsi regiondakı iqlimi dəyişə bilər
