Günümüzdə kimisə izləmək, demək olar ki, hamı tərəfindən mümkündür.

Bunu, artıq keyfiyyətli, ucuz və daha da kompakt olan xüsusi kameralar vasitəsilə etmək olar. Bir neçə müddət bundan öncə eBay-da yeni maraqlı kamera növü satışa çıxdı. Həmin kamera çok kiçikdir və hamımızın bildiyi adi şurupun daxilinə yerləşdirilib. Qiyməti 17$ olan bu kamera, internetdə bir çox istifadəçinin diqqətini cəlb etdi. Şurupda olan kameranı ilk dəfədən görmək qeyri-mümkündür. Belə ki, onun ölçüsü 0.8x0.8 sm-dir. Şurupun daxilində 60-70 dərəcə bucaqlı və 3.7 mm-lik obyektivə sahib 5 MP-lik kamera var. Kamera vasitəsilə çəkilmiş görüntülər xüsusi sxemə ötürülür. Həmin sxem isə çəkilmiş görüntüləri özünün yaddaş həcmində saxlaya və ya naqilsiz şəbəkə vasitəsilə lazımi yerə göndərə bilər. Kameradan əlavə olaraq bu kiçik şurup həmçinin mikrofona da sahibdir. Bu cihazın yeganə mənfi cəhəti isə onun, gecə rejimi çəkilişinə sahib olmamasıdır. Kameranı adi şarj cihazı, günəş enerjisi və ya hansısa digər naqil vasitəsilə şarj etmək olar.