Reklam
Cənubi Koreyanın DeepBrain şirkəti real insanların rəqəmsal kopyalarını yaradır (VİDEO)

Cənubi Koreyanın DeepBrain şirkəti real insanların rəqəmsal kopyalarını yaradır (VİDEO)

Texnologiya
16.08.2021 PAYLAŞIM

    Cənubi Koreyanın DeepBrain adlı şirkəti real insanların rəqəmsal kopyalarını yaratmaq ilə məşhurdur. İndi isə şirkət növbəti investisiya raundunu uğurla başa vurub və bunun nəticəsində 44 milyon dollar investisiya əldə edib. Sözügedən şirkət süni zəka elementlərinə sahib patentləşdirilmiş alqoritmlər əsasında hazırlanan qeyri-adi məhsul satmaqla məşğuldur. Söhbət, real insanın rəqəmsal kopyasından gedir. DeepBrain şirkəti real insanın mimikasını, danışıq tərzini və əl-qol hərəkətlərini kopyalayır. Daha sonra kopyalanmış elementlər real insanın rəqəmsal kopyasına inteqrasiya olunur və nəticədə rəqəmsal kopya fərdi həyatını sürə və real insanın müəyyən tapşırıqlarını yerinə yetirə bilər. Sözügedən texnologiyanın yaradıcılarının fikirlərinə əsasən bu cür rəqəmsal kopyalar xəbər telekanalları, siyasətçilər, banklar və satışla məşğul olan şirkətlər üçün uyğun olacaqlar.

    DeepBrain-in yaratdığı texnologiyanın bariz nümunəsi kimi Cənubi Koreya prezidenti Mun Çje İn-in rəqəmsal kopyasını göstərmək olar. Şirkət onun dəqiq rəqəmsal kopyasını yaratmaq üçün prezidentin ictimai çıxışlarından istifadə edib. Nəticədə prezidentin yaradılmış rəqəmsal kopyasını ictimai çıxışlarda istifadə etmək olar. Rəqəmsal kopya ictimai çıxışları reallaşdıran zaman əsl prezident isə digər işlərini yerinə yetirə bilər. İnsanlar əsl prezident ilə rəqəmsal kopya arasında fərqi anlaya bilməyəcəklər. Lakin prezidentin rəqəmsal kopyası bu texnologiyanın sadəcə imkanlarını sərgiləyən faktordur. DeepBrain bildirib ki, o, prezidentin rəqəmsal kopyasından öz mənfəətləri üçün istifadə etmək niyyətində deyil.


    DeepBrain hər hansısa bir şirkətdən sifariş qəbul edəndən sonra o, rəqəmsal kopyası yaradılacaq şəxsi öz studiyasına dəvət edir. Daha sonra həmin şəxs eyni anda bir neçə kamera tərəfindən skan edilir. Skan prosesi zamanı şəxs öncədən hazırlanmış mətni oxumaqla məşğul olur. Mətni oxuyan zaman o, müxtəlif əl hərəkətlərini də sərgiləyə bilər. Məlumatların yazılmasından sonra şirkət onları machine learning üçün istifadə edir. Süni zəka öz növbəsində rəqəmsal kopyanın yaradılması üçün şəxsin mimikaları ilə jestlərini səsi ilə birləşdirir.

    Nəticədə real şəxsin tam rəqəmsal kopyası yaradılır. Səs ilə bağlı olan məlumatlar mimika ilə sinxronlaşdırılır, əl və bədən isə təbii şəkildə hərəkət edirlər. DeepBrain öz texnologiyasını sərgiləyəndən sonra bir sıra böyük şirkət onunla maraqlanmağa başlayıb. Şirkət artıq MBN, MetroNews, LG HelloVision media brendləri, Kookmin bankı və online təhsil ilə məşğul olan şirkətlərlə əməkdaşlıq edir. Hal hazırda DeepBrain-in platforması tam hazır şəkildədir və şirkət süni zəka bankirlərinin yaradılması ilə məşğul olmağa başlayıb. Süni zəka bankirləri kredit inspektorlarını və adi bank əməkdaşlarını əvəz etməlidirlər. Daha sonrakı mərhələdə şirkət rəqəmsal hüquqşünasların yaradılmasını planlaşdırır. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Amazon Alexa hətta vəfat etmiş insanların səsləri vasitəsilə danışa biləcək..

Amazon şirkəti dünən Las Veqasda keçirilmiş Re:Mars adlı konfrans çərçivəsində etik nöqteyi nəzərdən..


Samsung bazardakı ən kiçik piksellərə sahib yeni 200 MP-lik kamera sensorunu təq..

Samsung şirkəti mobil kameralar üçün nəzərdə tutulmuş yeni 200 MP-lik kamera sensorunu təqdim edib...


iPhone 13 Pro Max - kamera testləri - detallı icmal (VIDEO)

Yadınızdadırsa, Apple-ın yeni iPhone 13 seriyası təqdim olunanda hələ Azərbaycana gəlməmiş hər 4 cih..


MediaTek flaqman smartfonlar üçün yeni Dimensity 9000+ prosessorunu təqdim edib..

MediaTek şirkəti flaqman smartfonlar üçün nəzərdə tutulmuş yeni Dimensity 9000+ prosessorunu təqdim ..


Apple yaxın gələcəkdə artırılmış reallıq cihazını təqdim edə bilər..

Apple şirkətinin yaxın gələcəkdə qarışıq reallıq (AR + VR) cihazını satışa çıxardacağı barəsində məl..


Həvəskar blogger PS5-in 20 mm-lik qalınlığa sahib qeyri-rəsmi Slim versiyasını y..

İstifadəçilərin bir hissəsinin PS5-i aldığı, digər hissəsinin isə PS5 Slim ilə PS5 Pro-nu gözlədiyi ..

×