Çin Milli Kosmik İdarəsi Ayın qaranlıq tərəfindən süxur nümunələrini uğurla geri qaytara bilib

    Çin Milli Kosmik İdarəsinin son hesabatına əsasən Ayın qaranlıq tərəfindən süxur nümunələrinin Yer kürəsinə çatdırılması missiyası uğurla yekunlaşıb. Kosmik idarə missiya çərçivəsində süxur nümunələrinə sahib xüsusi kapsulun harda eniş etdiyini açıqlayıb. Ayın qaranlıq tərəfindən süxur nümunələrinin geri qaytarılması missiyası 25 iyun tarixində yekunlaşıb. Həmin tarixdə Chang'e-6 aparatını özündə birləşdirmiş xüsusi kapsul Çinin muxtar rayonu olan Daxili Monqolustanda eniş edib.

    Qeyd etmək lazımdır ki, bu, insanlıq tarixində ilk haldır ki, kosmik aparat Ayın qaranlıq tərəfinə eniş edərək ordan süxur nümunələrini yığıb və daha sonra onları Yer kürəsinə çatdırıb. Yer kürəsinə çatdırılmış süxur nümunələri sayəsində alimlər Ayın təbiəti barəsində daha çox məlumat əldə edəcəklər. Qeyd etmək lazımdır ki, Chang'e-6 missiyası 3 may tarixində start götürmüşdü. Kosmik aparat 8 may tarixində Ayın orbitinə çatmışdı. 1 iyun tarixində isə eniş modulu öz daxilində Chang’e-6 aparatı ilə birgə Ayın qaranlıq tərəfinə eniş etmişdi. Ümumilikdə 2 kq süxur nümunəsi yığdıqdan sonra aparat Ayın orbitindəki kosmik aparata çatdırılmış və daha sonra Yer kürəsinə geri qaytarılmışdır.

Bənzər xəbərlər

Elm & Texnologiya

Chang'e-6 aparatının Ay səthində süxur nümunələrini yığması videosu təqdim edilib (VİDEO)

Dünən məlum oldu ki, keçən həftənin bazar günü səhər saatlarında Çinin Chang’e-6 adlı aparatı Ayın qaranlıq tərəfinə uğurla eniş edib və Ay süxur nümunələrinin yığılması prosesinə start verib.

Elm & Texnologiya

Çinin Chang'e-6 aparatı uğurlu şəkildə Ayın qaranlıq tərəfinə eniş edib (VİDEO)

Çinin Ay səthində fəaliyyət göstərmək üçün nəzərdə tutulmuş Chang’e-6 aparatı dünən səhər uğurlu şəkildə Ayın qaranlıq tərəfinə eniş edib.