main-post-cover

    Çinin BOE şirkəti 16K keyfiyyətli 110 düym-lük ekranını sərgiləyib

    Elm & Texnologiya
    24.05.2023
    Farid Pardashunas
        Bir çox gamerlər 4K keyfiyyətli monitorlara keçid edib-etməmək mövzusunda müzakirələri apardıqları bir vaxtda professional ekranların istehsalı ilə məşğul olan şirkətlər 6K və hətta 8K keyfiyyətində monitorların hazırlanmasına diqqət ayırırlar. Lakin bu məsələdə BOE şirkəti bütün mümkün rekordları qırıb. Belə ki, Display Week 2023 sərgisi çərçivəsində şirkət 16K (15360x8640 piksel keyfiyyəti) keyfiyyətli 110 düym-lük ekranını sərgiləyib. Sözügedən ekran LCD texnologiyası əsasında hazırlanıb. Hətta ən müasir videokartlar da çətin ki, bu cür görüntü keyfiyyətinə sahib oyunların öhdəsindən gələ bilsinlər. Başqa sözlə desək, bu ekranda əks olunan təsvir 132 milyon pikseldən ibarət olur. Müqayisə üçün qeyd etmək lazımdır ki, müasir 4K ekranlar 16 dəfə daha az pikselə sahib olurlar. Ekran DCI-P3 rəng diapazonunun 99%-ni əhatə edir. 
    Linki kopyala

    Bənzər xəbərlər

    Oxşar xəbərlər