2011-ci ildə göndərilən, lakin 2016-cı ildən bəri əlaqə qurulmayan Çinin Tiangong-1 kosmik aparatı qarşıdakı günlərdə Yerə düşəcək. Aparat Yer ətrafında saatda 7800 kilometr sürətlə fırlanır. Washington Post-un xəbərinə görə, aparatın hissələrinin hansı bölgələrə səpələnəcəyi tam məlum deyil. 9.5 tonluq Tiangong-1-in əsas gövdəsinin suya düşəcəyinə inananlar çoxluq təşkil edir. Mühəndis Jesse Gossner isə bu sözlərlə yadda qalıb, ''Necə ki, göldə daş bir neçə dəfə suyun üzündə sıçrayıb sonda dibə enirsə Tiangong-1 də həmçinin suya düşəcək'', dedi. Son günlərdə aparatın hissələrinin İstanbula düşəcəyini yazan xarici saytların da sayı artır.