Çinlilər tərəfindən hazırlanmış robot inanılmaz realistik üz mimikaları sərgiləyir (VİDEO)
Elm & Texnologiya
24.09.2025
Emil
Çin startapı AheadForm demək olar ki, insan kimi göz qırpa və baxışlarını idarə edə bilən robotlaşdırılmış baş yaradıb. Realist mimikanın sirri - yüksək azadlıq dərəcəsinə malik bionik ötürücü ilə avtonom süni intellektin birləşməsidir. Yayımlanmış videoda robot ətrafına baxır və onun üzü yüngül maraq ifadə edir. Bu mimika süni intellektin avtonom alqoritmləri ilə yüksək azadlıq dərəcəsinə malik bionik ötürücünün birləşməsi sayəsində əldə olunur. Bu texnologiya robotlara emosiyaları insan kimi nümayiş etdirməyə imkan verir. AheadForm - bionik humanoidlərin (insanabənzər) hazırlanmasında ixtisaslaşan Çin startapıdır. Şirkət insan-robot qarşılıqlı əlaqəsini yaxşılaşdırmağa çalışır və üz ifadəli, gözləri hərəkətli, nitqi sinxronlaşdırılmış cihazlar yaradır. Şirkət böyük qulaqlı elf formasını xatırladan “Elf” robotlarını hazırlayır.
Bu seriyanın modelləri 30-a qədər azadlıq dərəcəsinə malikdir, dəqiq idarəetmə sistemi və machine learning alqoritmləri ilə təchiz olunub. Məsələn, statik bədənə və başa sahib olan Xuan robotu zəngin mimika və realist göz hərəkətləri nümayiş etdirir, Elf V1 isə ətraf aləmi qavrayaraq onunla qarşılıqlı əlaqədə ola bilir. Belə humanoidlərdə üzdəki ifadəni dəqiq idarə edən ixtisaslaşdırılmış fırçasız mühərrik istifadə olunur. O, səssiz işləyir, yüksək həssaslığa, kompaktlığa, yüngüllüyə və enerji səmərəliliyinə malikdir. AheadForm-un təsisçisi Hu Yuhang proqnozlaşdırır ki, 10 ildən sonra robotlar demək olar insan kimi qəbul ediləcək, 20 ildən sonra isə insan səviyyəsində yeriyə və tapşırıqları yerinə yetirə biləcəklər. Sənayedəki digər şirkətlər, məsələn Unitree və Tesla da humanoidlər hazırlayırlar. Onların ev işlərinə kömək, insan əməyinin əvəz olunması, pərakəndə mağazalarda, xəstəxanalarda, məktəblərdə, otellərdə və sərgilərdə işlədilməsi planlaşdırılır.
Paylaş
