Daha ucuz MacBook modelinin hazırlandığı məşhur analitik tərəfindən təsdiqlənib
Elm & Texnologiya
25.10.2023
Emil
Hələ keçən ay məlumat verilmişdi ki, Apple şirkəti daha ucuz qiymətə satılacaq MacBook modelini satışa çıxartmağı planlaşdırır. İndi isə məşhur analitik Ming-Chi Kuo bu məlumatı təsdiqləyib. Onun sözlərinə əsasən daha ucuz qiymətə satılacaq yeni MacBook modeli 2024-cü ilin sonunda satışa çıxacaq. Bununla yanaşı məlumatda qeyd edilib ki, o, hal hazırda aktual olan MacBook Air-dən belə daha aşağı satış qiymətinə sahib olacaq. Analitikin fikrincə bunun sayəsində Apple illik MacBook təchizatını 10 milyona çatdıra bilər.
Apple M prosessorlarının olduqca məşhur olduqlarını nəzərə alaraq Apple 12 düym ekranlı MacBook modelini yenidən istehsal etməyə başlaya bilər. Qeyd etmək lazımdır ki, şirkət 12 düym ekranlı MacBook-un istehsalını 2019-cu ildə dayandırmışdı. Həmin MacBook-un əsas problemi Intel prosessorlarında idi. Nəticədə 12 düym ekranlı MacBook-larda ciddi qızma problemləri yaşanırdı. Lakin indi şirkət sözügedən MacBook-un istehsalını bərpa edərək onu özünün M prosessorlarından biri ilə təmin edə bilər.
Paylaş
