DeepSeek kiçik çip istehsalçıları üçün təhlükə əvəzinə böyük şansa çevrilib

    DeepSeek süni zəka bazarında, əsasən ABŞ şirkətlərinin üstünlük təşkil etdiyi sahədə böyük sarsıntıya səbəb oldu. Təkcə NVIDIA kimi süni zəka sürətləndiriciləri istehsal edən şirkət bir neçə 100 milyard dollar bazar dəyəri itirdi. CNBC-nin məlumatına görə, bazarın liderləri bu vəziyyətin nəticələri ilə mübarizə aparmağa çalışdığı halda, kiçik istehsalçılar üçün bu hadisə öz miqyaslarını genişləndirmək üçün bir fürsət kimi görünür. Cerebras Systems startapının baş direktoru Endrew Feldman bildirir ki, tərtibatçılar baha başa gələn və qapalı olan OpenAI modellərini açıq mənbəli alternativlərlə, məsələn, DeepSeek R1 ilə əvəz etmək istəyirlər.

    Cerebras Systems, NVIDIA-nın rəqibi kimi çıxış edərək bulud xidmətləri və süni zəka üçün çiplər təqdim edir. DeepSeek R1-in təqdimatı, şirkət tarixində ən böyük tələbat artımlarından birinə səbəb olub. Şirkət rəhbərinin sözlərinə görə, bu hadisə süni zəka bazarının yalnız bir şirkətin dominantlığı ilə məhdudlaşmayacağını sübut edir. Çünki açıq mənbəli modellər konkret avadanlıq və proqram təminatına bağlı deyillər. DeepSeek iddia edir ki, onun məntiqi analiz modeli ABŞ alternativlərindən daha az hesablama resursu tələb edir və müasir süni zəka sürətləndiriciləri olmadan öyrədilə bilir.

    Çinin bu startapı süni zəka sürətləndiriciləri sahəsində yeni texnologiyaların tətbiq prosesini sürətləndirmək potensialına malikdir və həm modellərin öyrədilməsi, həm də onların istifadəyə verilməsini əhatə edir. NVIDIA, süni zəkanın öyrədilməsi üçün avadanlıq bazarında dominant mövqeyə malikdir, lakin bir çox rəqibləri hesab edir ki, artıq öyrədilmiş modellərin işlədilməsi sahəsində daha geniş mövqe qazana bilərlər. Onlar müştərilərə daha az xərc müqabilində daha yüksək effektivlik vəd edirlər. Süni zəkanın öyrədilməsi böyük hesablama resursları tələb etsə də, artıq öyrədilmiş sistemlərin işləməsi üçün daha məhdud tapşırıqlar istiqamətində nəzərdə tutulmuş, nisbətən zəif avadanlıq kifayət edir.

    Bu kontekstdə alternativ süni zəka sürətləndiricilərinin istehsalçıları tələbatın artdığını müşahidə edirlər. Çünki bir çox müştəri artıq öyrədilmiş DeepSeek modelləri əsasında tapşırıqlarını yerinə yetirməyə hazırdır. Analitiklər və sənaye ekspertləri əmindirlər ki, Çin şirkəti süni zəka sistemlərinin öyrədilməsi və işlədilməsi üçün xərcləri azaltmaqla bütün sənayeye təsir göstərəcək. Əgər artıq öyrədilmiş modellərin istifadəsi daha ucuz olarsa, süni zəka texnologiyalarının tətbiqi sürətlənəcək. Belə ki, xərclərin azalması tələbatın artmasına gətirib çıxarır - bu hadisə Cevons paradoksu adlanır.

    Süni zəka sürətləndiriciləri sahəsində ixtisaslaşan d-Matrix və Etched startaplarının nümayəndələri tələbatın artdığını təsdiqləyirlər. d-Matrix-də bildirilib ki, kiçik həcmli modellərin geniş əlçatan olması süni zəkanın işlədilməsi dövrünün katalizatoruna çevrilib. Etched şirkətinin nümayəndələri isə qeyd ediblər ki, şirkətlər artıq xərclərini öyrədici klasterlərdən çıxış klasterlərinə yönləndirirlər. DeepSeek R1-in təqdimatından sonra 10-larla korporativ müştəri artıq Etched ilə əlaqə saxlayıb. Nəhayət, unutmaq olmaz ki, NVIDIA-nın da resursları məhduddur - hətta bu miqyasda bir texnologiya nəhəngi belə, dünyada süni zəka sürətləndiricilərinə olan bütün tələbatı qarşılayacaq gücə malik deyil. Bu isə kiçik oyunçular üçün real bir şans yaradır.

Mənbə: CNBC

Bənzər xəbərlər

Təhlükəsizlik

DeepSeek-in mobil tətbiqində ciddi təhlükəsizlik boşluqları aşkar edilib

Çin şirkəti DeepSeek-in çat-bot ətrafındakı qalmaqallar səngimək bilmir. İstifadəçi məlumatlarının sızmasından sonra NowSecure şirkətinin mobil təhlükəsizlik üzrə mütəxəssisləri iPhone üçün tətbiq versiyasında bir çox təhlükəli boşluqlar aşkar ediblər.

Süni İntellekt

Dünyanın ilk hibrid kvant dil modeli (QLLM) anons edilib

Böyük Britaniyanın yüksək səviyyədə qorunan avadanlıq və proqram təminatı istehsalçısı olan SECQAI şirkəti dünyanın ilk hibrid kvant dil modelini (QLLM) anons edib. Bu texnologiya kvant hesablamalarını ənənəvi süni zəka modelləri ilə birləşdirərək səmərəliliyi artırmaq və mürəkkəb problemləri həll etmək məqsədi daşıyır.

Süni İntellekt

Yeni süni zəka modelinin öyrədilməsinə 50$-dan az vəsait sərf edilib

Stenford və Vaşinqton Universitetinin tədqiqatçıları OpenAI-dən daha yaxşı riyazi problemləri həll edən süni zəka modeli yaradıblar. S1 adlanan bu model, cəmi 1000 sualdan ibarət məhdud məlumat bazası üzərində distillə üsulu ilə öyrədilib.

Elm & Texnologiya

Samsung 6G-yə süni zəkanı inteqrasiya etməyi planlaşdırır

Samsung ilk 6G üzrə ağ sənədini 2020-ci ildə yayımlamışdı və bugün şirkət gələcək rabitə texnologiyalarına doğru atdığı addımlarla bağlı daha çox məlumat paylaşır. Yeni ağ sənəddə qeyd olunur ki, Samsung ən son süni zəka texnologiyalarını telekommunikasiya sisteminə inteqrasiya etməyi hədəfləyir.

Proqram Təminatı

Cənubi Koreyanın dövlət qurumları DeepSeek-ə girişi bloklayıblar

Çin şirkəti DeepSeek-in dil modellərinə artan maraq təkcə fərdi istifadəçilərlə məhdudlaşmır, lakin məsələ dövlət sektoru olduqda, bu texnologiya milli təhlükəsizliyə risk yarada bilər. Çin və Cənubi Koreya arasındakı münasibətlərin gərginliyini nəzərə alaraq, Cənubi Koreya rəsmiləri dövlət qurumlarının DeepSeek-ə girişini məhdudlaşdırmağa başlayıblar.