Depressiya ilə mübarizə aparmağa yardımçı olan Woebot adlı çatbot

Depressiya ilə mübarizə aparmağa yardımçı olan Woebot adlı çatbot

Texnologiya
09.06.2017 PAYLAŞIM

Alimlər, depressiya ilə mübarizə aparmaqda yardımçı olan çatbot yaradıblar.

Stenford Universitetinin alimləri tərəfindən yaradılmış çatbot, gün ərzində istifadəçinin əhval-ruhiyyəsinə nəzarət edir və depressiya ilə mübarizə aparmaqda ona yardımçı olur. Woebot adlı çatbot, Stenford Universitetinin psixoloqları və süni zəka sahəsindəki mütəxəssisləri ilə birlikdə hazırlanıb. Sözügedən çatbot hər gün istifadəçinin vəziyyəti ilə maraqlandığı üçün ona müraciət edir. Bundan əlavə olaraq çatbot bu və ya digər mövzu ilə bağlı istifadəçiyə video izləməyi və kiçik psixoloji oyunlar oynamağı da təklif edir. Bu çatbotun iş prinsipinin əsasında koqnitiv-davranış terapiyası dayanır. Bu, məhvedici stereotip düşüncəni və davranışı dəyişərək psixoloji problemləri aradan qaldıran, geniş şəkildə yayılmış terapiya formasıdır. Məsələn, çatbot, “həmişə” və “heç zaman” kimi sözlərin işlədilməsini istifadəçiyə məsləhət görmür. “Məndə heç vaxt heçnə alınmır” cümləsini bir qədər daha pozitiv olan “Bəzən mən səhvlər edirəm” cümləsi ilə əvəz etmək lazımdır.

70 tələbənin iştirak etdiyi kliniki təcrübələr zamanı bir çox tələbələr sözügedən çatbotla ünsiyyətdən iki həftə sonra bir qədər rahatladıqlarını bildiriblər. Çatbotu yaratmış şəxslərin fikrincə insanlar robotla söhbət etdiklərini anladıqları vaxt daha səmimi olurlar. Canlı psixoloq ilə ünsiyyət zamanı isə müalicə alan şəxs çox vaxt sıxılır və psixoloq tərəfindən mühakimə olunacağından qorxur. Mənim professional sahəmdə bu barədə danışmaq müəyyən mənada qadağandır. Lakin insanlar arasındakı münasibətlərdə bir sıra çətinliklər var. Belə bir çətinliklərdən biri də digər insanlar tərəfindən qiymətləndirmə və mühakimə olunma qorxusudur” – deyə Woebot-un yaradıcılarından biri və onun direktoru olan Alison Darcy bildirib. Hal-hazırda Woebot, Facebook-dadır və onu sadəcə olaraq Messenger-ə əlavə etmək lazımdır. Yeni istifadəçilər üçün pulsuz test mərhələsi nəzərdə tutulub. Ondan sonra isə bu xidmətdən istifadə etmək üçün ayda 39$ ödəmək lazım gələcək.


Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple şirkəti VR cihaz üzərində çalışır: Bu VR cihaz nə zaman təqdim oluna bilər..

Apple öz VR cihazı vasitəsilə Facebook-un Oculus, Sony-nin Playstation VR və HTC-nin VR cihazları il..


SpaceX şirkəti 2 ədəd neft buruğu alıb: Neft buruqları şirkətə hansı səbəbə görə..

Görünür, SpaceX şirkəti Starship kosmik gəmilərinin kosmosa start uçuşları üçün nəzərdə tutulmuş üzə..


Apple yenilənmiş Face ID texnologiyasının patentini əldə edib

ABŞ-ın patentlər üzrə təşkilatı Apple şirkətinin yeni patent sorğusu barəsində məlumat verib...


Dimensity 1200 və Dimensity 1100: MediaTek 5G dəstəkli 2 yeni mobil prosessoru t..

MediaTek şirkəti rəsmi olaraq 2 yeni mobil prosessoru təqdim edib. Söhbət, Dimensity 1200 və Dimensi..


Elektromobillər üçün sürətli şarj texnologiyasına sahib yeni növ litium-ion bata..

İsrailin StoreDot adlı startapı elektromobillər üçün nəzərdə tutulmuş yeni növ litium-ion batareyası..


Qualcomm büdcəli flaqman smartfonlar üçün 8 nüvəli Snapdragon 870 prosessorunu t..

Qualcomm şirkəti heç gözlənilmədən Snapdragon 870 adlı yeni mobil prosessoru təqdim edib.

×