Dünyanın ən balaca mobil telefonu Zanco Tiny T1

Bununla yanaşı təkcə zəng etmək üçün nəzərdə tutulmuş adi telefonların üzərində də bir sıra təcrübələr aparılır. Beləliklə “Clubit New” adlı şirkət dünyanın ən balaca telefonu olan Zanco Tiny T1-i təqdim edib. Bu telefon vasitəsilə yalnız zəng etmək və ismarış göndərmək olur. Onda oyun, tətbiqlər, internet və təqvim kimi funksiyalar yoxdur. Bununla yanaşı o, klaviatura və 12 mm enliyə sahib monoxrom ekranla təchiz olunub. O yalnız nano SIM kart vasitəsilə ikinci nəsil şəbəkələrdə çalışır.

Telefonun çəkisi isə cəmi 13 qramdır. Bir dəfə şarj olunandan sonra o, 3 gün ərzində gözləmə rejimində ola bilər və ya 180 dəqiqəlik danışıq üçün istifadə oluna bilər. Telefon microUSB giriş vasitəsilə şarj olunur. Onun kontaktlar kitabçasında 300 telefon nömrəsi yazmaq olar. Həmçinin o, 50 SMS və 50 zəngin qəbul olunması üçün yaddaşa sahibdir. Telefon 32 MB RAM, 32 MB daxili yaddaş və 13 ədəd zəng musiqisi ilə təmin olunub. Onun qiyməti isə 40$ təşkil edəcək. Telefonun gələn ilin May ayında satışa çıxması planlaşdırılır.