Elon Musk: 'Dünyanı dəyişmək üçün həftədə minimum 80 saat çalışmaq lazımdır'

Elon Musk: 'Dünyanı dəyişmək üçün həftədə minimum 80 saat çalışmaq lazımdır'

Texnologiya
28.11.2018 PAYLAŞIM

    Tesla SpaceX kimi şirkətlərin CEO-su Elon Musk-ın fikrincə iki istirahət günü ilə gündəlik 8 saatlıq iş rejiminə sahib iş həftəsi texniki tərəqqi üçün faydasız sistemdir. Onun fikrincə iddialı planlara sahib insan iki dəfə daha çox çalışmalıdır. İş qrafiki barəsində ideyasını Musk öz Twitter hesabında paylaşıb. Belə ki, Musk öz Twitter hesabında The Wall Street Journal-ın bir məqaləsinin linkini paylaşıb. Həmin məqalədə qeyd olunub ki, gərgin iş qrafikinə baxmayaraq bir çox gənc və bacarıqlı şəxslər məhz Tesla şirkətinə işə düzəlməyə çalışırlar.

    “Gəlin birlikdə yeni və təəccübləndirici texnologiyalar yaradaq. Əgər nəticə əldə etmək istəyirsinizsə, SpaceX, Tesla, Boring CompanyNeuralink kimi şirkətlərə müraciət edin” – deyə Musk qeyd edib. Sözügedən hər 4 şirkət Musk tərəfindən təsis edilib və Musk tərəfindən də idarə olunur. Bu cür gərgin iş rejimi çərçivəsində Musk istirahət günləri olmadan iş problemlərini həll edir. Avqust ayında olmuş müsahibələrinin birində Musk bildirmişdi ki, gərgin iş rejimi səbəbilə o, qardaşının evlilik mərasiminə gedə bilməmişdi və öz ad günündə Tesla şirkətinin fabrikində gecələmişdi.

Bənzər xəbər


    Sonuncu dəfə o, 1 həftədən çox yalnız 2001-ci ildə dincəlmişdi. Görünür, gərgin iş rejimində çalışmaq, Musk-ın özəl xüsusiyyətidir. “Çalışmağın asan olduğu digər yerlər də var. Lakin heç kim həftədə 40 saat çalışmaqla dünyanı dəyişə bilməyib” – deyə Musk qeyd edib. Onun sözlərinə əsasən ideal iş qrafiki insandan asılıdır. “Stabil göstərici həftədə 80 saat çalışmaqdır. Maksimum göstərici isə 100 saatdan bir qədər çoxdur. 80 saatdan sonra iş prosesi daha da ağır olur” – deyə Musk əlavə edib. Onun sözlərinə görə bu il ən kritik vəziyyətlərdə o, həftədə 120 saat çalışıb. Yəni istirahət günü olmadan gündə 17 saat çalışmaq.

    Həmin vaxtda Tesla şirkəti Model 3 elektromobil modelinin istehsalatında yaranmış problemləri aradan qaldırmağa çalışırdı. Burda əsas məsələ Musk-ın hansı işlə məşğul olmasını qeyd etməkdir. Təbii ki, o, gündə 17 saat fabrikdəki cihazların arxasında dayanmırdı. Lakin Musk öz iş prosesi və şirkətdə olan adi işçilərin iş qrafiki statistikaları barəsində məlumat vermir. Bunun yerinə o, jurnalistləri emosional cümlələr ilə sevindirir. “Bu çox ağır bir il idi. Mənim karyeramda ən ağır il. Mən sanki 5 il qocaldım” – deyə Musk bildirib. Hal hazırda Musk-ın iş qrafiki dəyişilmiş vəziyyətdir. Onun sözlərinə əsasən hal hazırda o, həftədə 80-90 saat çalışır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Neuralink-in beyin implantı fikir gücü vasitəsilə smartfonlardan istifadə etmək ..

Elon Musk-ın Neuralink şirkəti öz beyin implantının artıq bir neçə uğurlu testini reallaşdırıb. Laki..


Hansı batareya daha yaxşıdır? Li-ion vs Li-Po

Lithium-ion yoxsa lithium polymer batareya? Hansı daha yaxşıdır? Fərqləri və haqqında bütün məlumatl..


Telegram-ı WhatsApp-dan daha yaxşı edən 5 xüsusiyyət

WhatsApp və Telegram. Bir-birinə rəqib olan 2 məşhur messencer. WhatsApp hər nə qədər ən çox istifad..


Facebook-un ilk smart eynəyi gələn il satışa çıxacaq

Facebook şirkəti insanların ünsiyyətləri üçün nəzərdə tutulmuş ən məşhur tətbiqlərə sahibdir. ..


Toyota şirkəti ABŞ-da və digər ölkələrdə elektrikli avtomobillərə keçid prosesin..

Dünyanın ən böyük avtomobil istehsalçısı olan Toyota şirkəti ABŞ-da və digər ölkələrdə elektrikli av..


Xiaomi bütün gövdəsi ekrandan ibarət yeni nəsil Mi Band X üzərində çalışır..

Xiaomi daxilində bağlı təqdimat keçirilib və həmin təqdimat çərçivəsində yeni nəsil Mi Band qolbağı ..

×