Elon Musk ilin sonuna Tesla-nın ən möhtəşəm təqdimatını anons edib

     Elon Musk həyəcan yaratmaqda bənzəri olmayan ustadır və artıq Tesla şirkətinin növbəti təqdimatını anons etməyə başlayıb. Həmişəki kimi Musk təvazökarlıq etmir və bildirib ki: “Ən möhtəşəm təqdimat ilin sonuna doğru baş tutacaq. Tesla tarixində ən yaxşısı olacaq”. Tesla rəhbərinin konkret nəyi nəzərdə tutduğu hələ məlum deyil, lakin ehtimal edilir ki, təqdimatın əsas mövzularından biri yeni elektrikli avtomobil olacaq. Hətta illərdir haqqında danışılan və Musk-ın özü tərəfindən “Tesla-nın tort üzərindəki albalısı” adlandırılan yenilənmiş Tesla Roadster modeli də ola bilər. Bundan əlavə, milyarderin Optimus robotlarını ictimaiyyətə göstərməyi unutmayacağı da ehtimal olunur.