Elon Musk, Mark Zuckerberg-in tənqidinə cavab verdi
Elm & Texnologiya
25.07.2017
Emil Nəcəfov
Elon Musk özünün süni zəkanın təhlükəli aqibəti haqqında bəyanata, Mark Zukerberg tərəfindən söylənilmiş tənqidə cavab verdi.
Nəzərinizə çatdıraq ki, 15 İyul tarixində ABŞ senatorlarının
görüşü çərçivəsində Elon Musk, süni zəka inkişafını, insan sivilizasiyasının ən
böyük riski adlandırmışdı. Musk-ın fikrincə bu sahədə tənzimlənmə olmalıdır.
Əks halda insanlıq üçün gec ola bilər. “İnsanlar, küçədə robotlar tərəfindən
digər insanların qətlə yetirildiyini görmədikləri müddətcə onlar buna necə
reaksiya verəcəklərini bilmirlər. Belə ki, bu hal real görünmür” – deyə Musk
bildirmişdi. 24 İyul tarixində öz Facebook səhifəsində canlı yayım etmiş Mark
Zuckerberg, Musk-ın bəyanatına cavab olaraq onun sözlərini məsuliyyətsizlik
kimi qələmə vermişdi. “Mənim bu barədə çox dəqiq mövqeyim var. Mən nikbinəm. Mənim
fikrimcə sən nəsə yaradıb dünyanı dəyişə bilərsən. Süni zəka mövzusunda mən
daha nikbinəm. Mən, bu mövzu baxımdan skeptik olanları və dünyanın sonunu bu
cür ssenari üzrə məşhurlaşdıran insanları başa düşmürəm. Bu neqativdir və müəyyən
mənada fikrimcə məsuliyyətsizlikdir” – deyə Mark öz canlı yayımında qeyd
etmişdi. Bundan əlavə olaraq o qeyd etdi ki, yaxın 10 il ərzində süni zəka, bir
çox sahələrdə insanların gündəlik həyatlarını sadələşdirəcək. 25 İyul tarixində
isə Musk buna cavab olaraq Zuckerberg ilə daha əvvəllər ünsiyyətdə olduğunu və
süni zəka mövzusunda Mark-ın məhdud şəkildə anlayışa sahib olduğunu bildirmişdi.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!