Elon Musk: 'Marsda kolonizasiya insanları müharibədən qorumaq üçün şansdır'

Elon Musk: 'Marsda kolonizasiya insanları müharibədən qorumaq üçün şansdır'

Texnologiya
12.03.2018 PAYLAŞIM

11 Mart tarixində Elon Musk gözlənilmədən Texas ştatının Ostin şəhərində keçirilən South By Southwest (SXSW) adlı texnoloji festivalda iştirak edib.

    İştirak çərçivəsində Musk Üçüncü Dünya Müharibəsi ehtimalında insan sivilizasiyasının perspektivləri haqqında danışıb. “Əgər Üçüncü Dünya Müharibəsi baş versə biz qaranlıq vaxtları geridə qoymaq və insan sivilizasiyasını yenidən qurmaq üçün insanların bir hissəsini qorumalıyıq. Tez bir zamanda biz Marsda kolonizasiya yaratmalıyıq. Mars Yer kürəsindən uzaqdadır və müharibə ehtimalında onun sağ qalma ehtimalı daha yüksəkdir” – deyə Musk bildirib.

    Bundan əlavə olaraq o qeyd edib ki, Mars heç də varlı şəxslər üçün sığınacaq variantı olmayacaq. O düşünür ki, Marsın kolonizasiya prosesi keçən əsrin əvvəlində Cənub Qütbünə səyahət reallaşdırmış Ernest Shackleton-un ekspedisiyasına bənzəyəcək. “Çətindir, çox təhlükəlidir, sizin sağ qalmama ehtimalınız çox yüksəkdir. Lakin sağ qala biləcəklər böyük çoşqunluq keçirəcəklər” – deyə Musk əlavə edib. Hal-hazırda “SpaceX” şirkəti Mars planetinə insanları göndərəcək 106 metr hündürlüklü BFR raketi üzərində çalışır.


    Qeyd etmək lazımdır ki, keçən ilin Sentyabr ayında tədbirlərdən birində çıxış edərkən Musk bildirmişdi ki, 2022-ci ildə Marsa iki ədəd yük gəmisi göndərəcək. 2024-cü ildə isə 4 ədəd yük gəmisinin göndəriləcəyi planlaşdırılır. BFR raketinin ilk uçuşu 2019-cu ilə planlaşdırılır. Bütün bunlarla yanaşı Musk qeyd edib ki, onun bu gözləntiləri çox optimistik ola bilər. Belə ki, o hələ də “SpaceX” və “Tesla” şirkətlərinin bu qədər məşhurluq qazandıqlarına təəccüb edir. Onun sözlərinə görə o bu şirkətlərin uğurlu olacaqlarına yalnız 10% inanırdı. Musk həmçinin Üçüncü Dünya Müharibəsindən daha böyük təhlükə mənbəyi olan süni zəkanı qeyd edib. O, süni zəka sahəsində olan yeniliklərin heç kim tərəfindən idarə olunmadığına təəccüblə yanaşır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Proqramlaşdırma dilləri üçün nəzərdə tutulmuş süni zəka əsaslı tərcüməçi yaradıl..

Think 2021 adlı konfrans çərçivəsində IBM şirkəti süni zəka əsasında yaradılmış CodeNet adlı yeni al..


Starship kosmik gəmisi Texasdan Havay adalarına kimi ilk orbital uçuşunu reallaş..

SpaceX şirkətinin göndərdiyi sorğuya əsasən Starship kosmik gəmisinin prototipi Texas ştatındakı sta..


MediaTek şirkəti büdcəli smartfonlar üçün Dimensity 900 adlı performanslı proses..

MediaTek şirkətinin Dimensity 900 adlı yeni 6 nanometrlik prosessoru yüksək tezlikli təsvir yenilənm..


Apple şirkəti öz portativ oyun konsolunu satışa çıxarda bilər

Son zamanlarda gaming sahəsi daha da böyüyüb və sürətlə inkişaf etməyə davam edir. Bu cür sürətli bö..


Pirat kontent yüklənməsinə görə Starlink istifadəçiləri internetdən məhrum ola b..

Starlink peyk internetinin yayılmasının qarşısında heç gözlənilməz maneə dayana bilər.

×