Elon Musk: 'Süni zəkanı ilahiləşdirən insanları bu texnologiyanın yaradılmasına yaxın buraxmaq olmaz'

Elon Musk: 'Süni zəkanı ilahiləşdirən insanları bu texnologiyanın yaradılmasına yaxın buraxmaq olmaz'

Texnologiya
25.10.2017 PAYLAŞIM

Öz Twitter səhifəsində “Tesla” və “SpaceX” şirkətlərinin CEO-su Elon Musk, süni zəkaya ilahi statusu verən mütəxəssisləri sərt şəkildə tənqid edib.

Qeyd etmək lazımdır ki, Musk, süni zəka texnologiyasına etibarsızlığı ilə tanınır və onun fikrincə alqoritmləri tanrıya çevirəcək insanları süni zəkanın yaradılmasına yaxın buraxmaq olmaz. Musk, Twitter-dəki paylaşımını Venture Beat saytında dərc olunmuş məqaləyə görə edib. Belə ki, həmin məqalədə “IV.AI” şirkətinin rəhbəri Vince Lynch süni zəka ilə dinin oxşarlığına işarə edib. Öz nəzəriyyəsini sübut etmək üçün Lynch süni zəka əsasında xüsusi model yaradıb. Həmin model isə öz növbəsində İncildəki bir neçə sətr cümləyə bənzər material hazırlayıb. Bununla yanaşı Lynch qeyd edib ki, 25-30 ildən sonra süni zəka öz müqəddəs mətnini yaza biləcək və hətta onun davamçılarını tapa biləcək.



Elon Musk öz paylaşımında həmin məqaləyə link verərək bəzi insanları üstün şüurun yaradılmasına yaxın buraxmamağın lazım olduğunu bildirib. Bununla yanaşı o, konkret ad bildirməyib. Qeyd etmək laızmdır ki, Venture Beat saytındakı məqalədə nəinki Vince Lynch, həmçinin Anthony Levandowski-nin də adı keçir. Nəzərinizə çatdıraq ki, “Google” şirkətinin keçmiş mühəndisi olan Anthony Levandowski, Sentyabr ayında elan etmişdi ki, “Gələcəyin yolu” adlı təşkilat yaradıb. Həmin təşkilat yeni süni zəka tanrısının proqramlaşdırılması məqsədilə insanları bir araya yığacaq. “Süni zəka əsasında yaradılmış tanrını təkmilləşdirmək və inkişaf etdirmək. Ona sitayiş edərək və onu anlayaraq daha yaxşı gələcəyə doğru irəliləmək”. Levandowski öz yaratdığı təşkilatın məqsədini məhz bu cür qeyd etmişdi.


Elon Musk üçün bu cür bəyanatların nəyə görə yolverilməz olduğunu anlamaq olar. Avtopilot sistemli avtomobillərin istehsalı ilə məşğul olan şirkətin rəhbəri olmasına baxmayaraq o, süni zəka alqoritmlərinə çox böyük etibarsızlıqla yanaşır. O həqiqətən də narahatdır ki, süni zəka Üçüncü Dünya Müharibəsinin səbəbkarı ola bilər və robotlaşdırılmış sistemlər küçəyə çıxaraq insanları məhv edə bilər.

“Əgər siz süni zəkanın tətbiq olunması üzrə təhlükəsizlikdən narahat deyilsinizsə, onda bunun üçün əsl vaxtdır. Bu, Şimali Koreyadan daha böyük riskdir” – deyə Musk vaxtı ikən bildirmişdi.

Gələcəkdə yeni növ dinlərin sırasında süni zəkanın olma ehtimalı barəsində tarixçi Yuval Noah Harari də özünün “Homo Deus: A Brief History of Tomorrow” kitabında qeyd edib. Onun fikrincə artıq günümüzdə insanlar öz suallarının cavablarını tapmaq üçün kilsələrə deyil, alqoritmlərə müraciət edirlər. Harari-nin fikrincə yaxın gələcəkdə dataizm texnohumanizm kimi yeni dinlər ön plana keçəcəklər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Yeni GoPro Hero 10 Black action kamerası təqdim edilib - QİYMƏTİ

GoPro şirkəti özünün Hero 10 Black adlı yeni flaqman action kamerasını təqdim edib.


SpaceX heç bir astronavtın iştirakı olmadan 4 nəfər turisti kosmosa göndərib (Vİ..

Kosmik uçuşlar yeni bir şey deyil. Lakin bununla adətən professional şəxslər məşğul olurlar. SpaceX ..


Apple A15 Bionic prosessoru Qualcomm ilə Samsung-un flaqman prosessorlarını geri..

Məşhur Geekbench bençmark saytında A15 Bionic prosessoruna sahib iPhone 13-ün test nəticələri ortaya..


Apple şirkəti Watch 7-dəki vacib funksiyanın digər tətbiqdən kopyalamaqda günahl..

Apple şirkətinin öz yeni məhsullarını təqdim etməsindən sonra Kosta Eleftheriou adlı tərtibatçı Appl..


Apple yeni iPad modellərini və Watch Series 7 smart saatını təqdim edib - QİYMƏT..

Apple şirkəti yeni iPhone 13 smartfonları ilə yanaşı həmçinin yeni iPad planşetləri ilə Watch Series..


Xiaomi AR funksiyalara sahib Smart Glasses adlı eynəyini təqdim edib (VİDEO)

Xiaomi şirkəti yeni qeyri-adi məhsulunu təqdim edib. Söhbət, AR (artırılmış reallıq) funksiyalara sa..

×