Estoniyalı mütəxəssislər 15 saniyə ərzində şarj olunan elektromobil batareyası yaradıblar

Estoniyalı mütəxəssislər 15 saniyə ərzində şarj olunan elektromobil batareyası yaradıblar

Texnologiya
14.09.2020 PAYLAŞIM

    Elektromobillərin məşhurluqları artdıqca sürətli şarj texnologiyasına sahib batareyalara tələbat da artır. Hal hazırda bu mövzuda olan texnologiyalar ideallıqdan uzaqdılar. Lakin yaxın müddət bu vəziyyət dəyişə bilər. Belə ki, estoniyalı mütəxəssislər 15 saniyə ərzində şarj olunan batareyanı yaratdıqlarını elan ediblər. Bununla yanaşı yaradılmış yeni növ batareya hətta 1000 dəfə şarj dövründən sonra da öz effektivliyini olduğu kimi saxlayır. Bu barədə 4pda saytı xəbər verib. Estoniyanın Skeleton Technologies şirkətinin təmsilçilərinin fikirlərinə əsasən litium-ion batareyalar və hidrogen yanacağı elementləri lazımi səviyyədə şarj sürətini təmin edə bilmirlər.

    Bu problemi aradan qaldırmaq üçün böyük həcmə sahib və 15 saniyə ərzində şarj olunan superbatareya yaradılıb. Məlumatda qeyd edilib ki, yaradılmış batareya hətta 100.000 dəfə şarj dövründən sonra da öz həcmini qoruyub saxlayır. Estoniyalı mütəxəssislər əmindirlər ki, bu yeni texnologiya sayəsində qazıntı yanacaq növlərindən tamamilə imtina etmək mümkün olacaq. Skeleton Technologies şirkəti yaradılmış yeni texnologiya barəsində konkret məlumatlar verməkdən imtina edib. Şirkət sadəcə qeyd edib ki, sözügedən texnologiya patentləşdirilmiş karbon nanomaterialdan hazırlanıb.


    Batareyanın özü isə qrafen əsasa sahibdiir və həm superkondensatorun həm də litium-ion batareyaların üstünlüklərini birləşdirir. Məlum olub ki, estoniyalı mütəxəssislərin bu layihəsi təcrübə mərhələsindən daha da irəli gedib. Belə ki, şirkət böyük avtomobil istehsalçılarından birinə bu batareyaların istehsalı üzrə müqavilə bağlayıb və müqavilənin dəyəri 1 milyard dollardır. Gözləntilərə əsasən yeni növ batareyaların istehsalına 2023-cü ildə start veriləcək.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple AirPower Mini naqilsiz şarj stansiyasının real fotoları sızdırılıb

Naqilsiz şarj stansiyası olan AirPower-in ilk hazırlanma mərhələsindəki uğursuz nəticə Apple şirkəti..


Sony şirkəti PlayStation 5-in qiymətini rəsmi olaraq açıqlayıb

Sony şirkəti gecə keçirtdiyi təqdimat çərçivəsində PlayStation 5 konsolunun qiymətini və startda han..


Professional Apple AirPods Studio qulaqlığının real fotosu sızdırılıb

Artıq bir neçə aydır ki, internetdə olan məlumatlara əsasən Apple şirkəti AirPods Studio adlı yeni p..


GoPro yeni Hero 9 Black action kamerasını təqdim edib - QİYMƏTİ

GoPro şirkəti özünün yeni Hero 9 Black action kamerasını təqdim edib. Yeni kamera modeli əvvəlki Her..


Apple şirkətinin yeni A14 Bionic prosessoru Snapdragon 875-dən az performanslı o..

Prosessorun daha detallı analizi onu göstərir ki, A14 Bionic Apple şirkətinin dediyi kimi heç də o d..


Huawei şirkəti cihazların kontaktsız şarj texnologiyasının patentini əldə edib (..

Smartfonların naqilsiz şarj prosesini dəstəkləməsi dedikdə onların cərəyan mənbəsinə qoşulmuş xüsusi..

×