'Facebook', 'Amazon'un öz banklarına sahib ola biləcəkləri və 2018-ci il üzrə fintech sahəsinin digər proqnozları
Elm & Texnologiya
13.12.2017
Farid Pardashunas
Dünyanın fintech cəmiyyətindən olan mütəxəssislər 2018-ci il üzrə sənaye üçün proqnozlarını veriblər.
Bu barədə Fortune saytı xəbər
verib. Proqnozlar elektron ödənişləri, aktivlərin idarə olunmasını və maliyyə
xidməti sahəsinin digər texnologiyalarını əhatə edib. Beləliklə 2018-ci ildə
Alexa və Siri kimi səsli köməkçilər sayəsində elektron ödəniş servisləri geniş
yayılacaq. “Facebook” və “Amazon” isə öz banklarına sahib ola bilərlər.
Ödənişlər:
“Bain Capital Ventures” şirkətindən
olan Matt Harris-in proqnozuna əsasən 2018-ci ildə “Siri bunu mənim Visa kartım
vasitəsilə al” və “Alexa, digər kartdan istifadə edərək mənə onu sifariş et” kimi
cümlələr daha çox səslənəcək. O düşünür ki, səs gələcəyin ödənişi üçün ideal
interfeysdir. Elektron ödənişlərin bütün sistemlərinə gəldikdə isə burda
alışdan sonra tranzaksiyaların emalını təklif edən şirkətlər inkişaf etməkdə
davam edəcəklər. “JP Morgan Chase” kimi böyük şirkətlər nəhəng offline
satıcılara öz diqqətlərini yönləndirdikləri bir vaxtda böyüməkdə davam edən
elektron kommersiya sektoru isə həmin şirkətlərdən böyük olmayan startaplara üz
tutur.
Bankinq:
Wal-Mart tərzli riteylerlər uzun
zamandır ki, bank işi ilə məşğul olmaq arzusundadırlar və 2018-ci ildə çox
güman ki, nizamlayıcı orqanlar bunu etməkdə onlara icazə verəcəklər. Bu isə o
deməkdir ki, yaxın gələcəkdə Bank of Amazon və Facebook Financial kimi maliyyə
şirkətləri yarana bilər. Bu isə ənənəvi adi banklar üçün problemdir. Belə ki,
İT şirkətlər onların qarşısında bir sıra üstünlüklərə sahibdirlər. Ən əsası isə
odur ki, onlar öz müştərilərini daha yaxşı bilir və başa düşürlər. Bu cür
üstünlüklər sayəsində onlar xidməti maksimal dərəcədə individual edə bilərlər.
Hazırki vaxtda isə heç bir bank buna qadir deyil.
Aktivlərin idarə olunması:
Son 12 ay ərzində qənaətlərin
idarəsi və onların genişləndirilməsində yardımçı olan avtomatlaşdırılmış robot
məsləhətçilər ilə insanları birləşdirən bir çox servislər istifadəyə
verilib. 2018-ci ildə bu tendensiya daha da inkişaf edəcək. Daha gənc müştəriləri
cəlb etmək üçün böyük banklar aktivlərin idarə olunmasında yardımçı olacaq çatbotları təklif edəcəklər. Mütəxəssislərin proqnozlarına əsasən 2020-ci ilə
kimi rəqəmsal köməkçilərin idarəetməsində 1 trilyon dollar vəsait olacaq. Əgər əvvəllər
bu sahədə kiçik startaplar hegemonluq edirdilərsə, yaxın gələcəkdə böyük
banklar tərəfindən həmin startaplar sözügedən sahədən sıxışdırılıb
çıxarılacaqlar.
İnvestisiyalar:
“Andreessen Horowitz” şirkətinin
mütəxəssislərinin proqnozlarına əsasən 2018-ci ildə investorlar fintech şirkətlərə
investisiya yatırmayacaqlar. Bu dövr artıq geridə qalıb. Hal hazırda fintech
bazarında inkişafın ikinci mərhələsinə keçid etmiş məşhur oyunçular var. Genişlənmək
üçün pul vəsaitləri lazımdır və investisiyalar artıq məşhur və uğurlu şirkətlərə
ediləcək.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)