Məlumatda qeyd edilir ki, şirkət, hüquqi boşluqlardan istifadə edərək 2012-2014-cü illər üçün nəzərdə tutulmuş vergi ödəmələrindən boyun qaçırdıb. İstintaq nəticələrinə əsasən vergi idarəsi, şirkətin Fransadakı şöbəsinə əlavə vergi hesablaması aktını təyin edib. Ödəniləcək vəsaitin tam miqdarı haqqında məlumat olmasa da, məlumdur ki, şirkətin sözügedən şöbəsi artıq 12.2 milyon avro rezervləşdirib. Məlumata əsasən akt, “Apple Retail France EURL” şirkəti üçün tərtib olunub. Hüquqi boşluqlardan istifadə edərək şirkət, vergi ödəmələri üçün nəzərdə tutulmuş külli miqdarda vəsaiti ödəməkdən yayınıb. 2016-cı ilin Sentyabr ayında başa çatmış maliyyə ilinin yekunları üzrə deklarasiyaya əsasən “Apple Retail France EURL”nın gəliri 623 milyon avro, zərəri 9.4 milyon avro, “Apple France SARL” şirkəti ilə birlikdə gəliri isə 700 milyon avro təşkil edib. “Apple” təmsilçiləri Fransa hökümətinin vergilər üzrə narazılığı haqqında heç bir məlumat verməyib. Şirkət rəsmiləri qeyd ediblər ki, şirkət, bütün dünyada olan şöbələrinin vergilərini vaxtı-vaxtında ödəyir.