Galaxy S9-un imkanlarını sərgiləyən reklam videoları təqdim olunub
14.02.2018
Farid Pardashunas
“Samsung” şirkəti Galaxy S9-un təqdimatına hazırlıq çərçivəsində bir neçə reklam videosu təqdim edib.
Təqdim olunmuş hər bir video yeni
smartfonda olacaq özəlliklər barəsində məlumat verir. İlk videoda müxtəlif sürətli
hərəkətlərin əks olunduğu kadrlar yer alıb. Gepard qaçır, quşlar uçur, insan
boks torbasını yumruqlayır və s. Bu kadrlarla şirkət smartfonda olacaq slo-mo çəkilişini sərgiləyir. Beləliklə istifadəçi slo-mo rejimində bu cür videolar çəkib daha
sonra onları detallı şəkildə izləyə biləcək.
İkinci videoda gecə çəkintisi əks
olunub. Qızlar meşəyə çıxırlar və marala rast gəlirlər. Sonuncu kadrda maralın
başı dairənin daxilində əks olunur. Bu anda fikir vermək olar ki, maralın başı
arxa fondan daha parlaqdır. Bu isə çox güman ki, smartfonun əsas kamerasının dəyişilə
bilən diafraqma funksiyasını əks etdirir.
Sonuncu video isə müxtəlif
emosiyaları göstərən gənc oğlana aiddir. Sonda onun üzü animasiyaya çevrilir.
Bu isə çox güman ki, interaktiv 3D smayliklərin analoqudur. Onlar istifadəçinin
üz mimikalarını smartfonun xüsusi sensorları vasitəsilə təkrar edəcəklər. Bu isə
“Apple” şirkətinin Animoji funksiyasına bənzəyir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək