GeForce RTX 5090 videokartı olduqca böyük ölçülü olacaq
Elm & Texnologiya
18.12.2024
Emil
NVIDIA şirkəti 5 yanvar tarixində ABŞ-da start götürəcək CES 2025 sərgisi çərçivəsində öz təqdimat tədbirini keçirəcək. Şirkət baş tutacaq təqdimat tədbiri çərçivəsində GeForce RTX 50 videokart seriyasını təqdim edəcək və bu seriyaya daxil olacaq modellərdən biri də RTX 5090 olacaq. İndi isə internetdə bu videokart barəsində bəzi təfərrüatlar ortaya çıxıb. Ortaya çıxmış məlumatlara əsasən RTX 5090-ın ölçüsü olduqca böyük olacaq.
Belə ki, sözügedən videokart kompüter gövdəsində 4 slotluq yer tutacaq. Müqayisə üçün qeyd etmək lazımdır ki, hal-hazırda aktual olan RTX 4090 videokartı kompüter gövdəsində 3 slotluq yer tutur. Bununla yanaşı məlumatda qeyd edilib ki, RTX 5090-ın enerji sərfiyyatı 600 vatt təşkil edəcək. Məlumata əsasən NVIDIA-nın bu yeni videokartı GDDR7 standartlı 32 GB-lıq VRAM-ı və 21 760 CUDA nüvəsini əldə edəcək.
Paylaş
Ən çox oxunanlar
Səudiyyə Ərəbistanının "The Line" layihəsi regiondakı iqlimi dəyişə bilər
