Gigabyte Aorus CO49DQ gaming monitoru təqdim edilib - QİYMƏTİ

     Gigabyte şirkəti əyilmiş dizaynda hazırlanmış Aorus CO49DQ adlı yeni gaming monitorunu təqdim edib. Beləliklə bu yeni gaming monitoru 144 Hz-lik təsvir yenilənməsinə sahib 5120х1440 piksel keyfiyyətli 49 düym QD-OLED ekranla təchiz olunub. Ekranın maksimal parlaqlıq səviyyəsi 250 nit təşkil edir və DCI-P3 rəng diapazonunun 99%-ni əhatə edir. Monitor özündə HDMI 2.1, DisplayPort 1.4, USB Type-C və USB 3.0 Type-A girişlərini birləşdirir. Monitorda olan USB Type-C girişi vasitəsilə digər cihazları şarj etmək mümkündür. Bunun üçün USB Type-C girişi 18 vatt çıxış gücünə sahibdir. Gigabyte Aorus CO49DQ monitorunun nə zaman və hansı qiymətə satışa çıxacağı barəsində məlumat verilməyib.