Google şirkəti kənar resurslardan yüklənən Android tətbiqləri bloklamağa başlayıb

Google şirkəti kənar resurslardan yüklənən Android tətbiqləri bloklamağa başlayıb

Texnologiya
19.03.2020 PAYLAŞIM

    Keçən ilin sonunda ortaya çıxmış məlumatlar təsdiqləndi. Belə ki, Google şirkəti özünün Advanced Protection proqramının fəaliyyət sahəsinin genişləndirildiyini elan etdi. İlk olaraq bu proqram iki faktorlu autentifikasiya sisteminin daha təhlükəsiz alternativi qismində çıxış edirdi və Google hesablarının qorunması üçün nəzərdə tutulurdu. İndi isə sözügedən proqram Android əməliyyat sisteminə də inteqrasiya edilib və o, kənar resurslardan yüklənən tətbiqləri məhdudlaşdırır. Bu barədə 9to5google saytı xəbər verib.


    İndiyənə kimi Android cihazlar Google Play Protect adlı antivirus sistemi ilə qorunurdular. Bu sistem Google Play-dəki tətbiqləri və smartfonlar ilə planşetlərin sahib olduqları proqram təminatlarını skan edirdi. İndi isə şirkət Android smartfonlara Advanced Protection funksiyasını inteqrasiya edir. Bu funksiya öz növbəsində Play Protect sistemini həmişə aktiv şəkildə saxlayır və onun mütəmadi çalışmasına nəzarət edir. Advanced Protection-un daha bir özəlliyi ondan ibarətdir ki, o, kənar resurslardan yüklənmiş APK faylların bloklanmasını da reallaşdırır.

    Bu isə onunla əlaqəlidir ki, Google şirkəti kənar resurslardan yüklənmiş tətbiqlərin təhlükəsiz olmalarına zəmanət vermir. Bloklanma prosesi Chrome Gmail-də təhlükəli faylların yüklənməsinin bloklanması kimi reallaşdırılır. Google onu da qeyd edib ki, kənar resurslardan olan tətbiqləri kompüter vasitəsilə ADB-dən istifadə edərək quraşdırmaq olacaq. Bundan əlavə olaraq kənar resurslardan daha öncədən yüklənmiş tətbiqlər çalışmağa və yenilənmələr əldə etməyə davam edəcəklər. Məlumatda qeyd edilib ki, şirkət Advanced Protection sisteminin Android-ə inteqrasiya olunmasına artıq start verib. Bu funksiya Google hesabına qoşulu olur. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Avropa Birliyi smartfonlar üçün şarj cihazlarının vahid standartını hazırlayır: ..

Avropa komissiyası sabah smartfonlar, planşetlər və qulaqlıqlar üçün nəzərdə tutulmuş şarj cihazları..


İnsayderlər Apple A16 Bionic prosessoru barəsində ilkin məlumatları veriblər..

Mütəxəssislərin fikirlərinə əsasən iPhone 13 modellərində istifadə olunan Apple A15 Bionic prosessor..


SpaceX-in Inspiration4 adlı mülki missiyası uğurla yekunlaşıb

Inspiration4 adlı mülki missiya çərçivəsində istifadə edilmiş Crew Dragon kosmik gəmisi uğurla Atlan..


Naqilsiz Apple AirPods 3 qulaqlıqları bu ilin sonuna kimi təqdim olunmalıdırlar..

Apple şirkəti iPhone 13 smartfonlarını təqdim edən zaman bir çoxları yeni naqilsiz AirPods 3 qulaqlı..


Yeni GoPro Hero 10 Black action kamerası təqdim edilib - QİYMƏTİ

GoPro şirkəti özünün Hero 10 Black adlı yeni flaqman action kamerasını təqdim edib.


SpaceX heç bir astronavtın iştirakı olmadan 4 nəfər turisti kosmosa göndərib (Vİ..

Kosmik uçuşlar yeni bir şey deyil. Lakin bununla adətən professional şəxslər məşğul olurlar. SpaceX ..

×