Google şirkətinin növbəti AR eynəyi barəsində yeni məlumatlar verilib

Google şirkətinin növbəti AR eynəyi barəsində yeni məlumatlar verilib

Texnologiya
15.12.2022 PAYLAŞIM

    Google şirkəti öz yeni AR eynəyini hələ anons etməsə də, onun barəsində məlumatlar ortaya çıxmağa davam edir. Bu dəfə şirkətin yeni AR eynəyi barəsində məlumatları 9to5google saytı təqdim edib. Verilmiş məlumata əsasən Google şirkətinin yeni AR eynəyini daha öncəki Google Glass-dan fərqləndirəcək əsas özəlliklərdən biri də o olacaq ki, onda sensorlu panellər vasitəsilə idarəetmə sistemi reallaşdırılmayacaq. Bunun əvəzinə şirkət alternativ variantlardan birini istifadə edəcək. Google şirkətinin daha öncəki AR eynək prototiplərində şirkət müxtəlif idarəetmə üsullarından istifadə edib.

    Onların arasında səsli əmrlər, gözlərin hərəkəti ilə reallaşdırılan idarəetmə və eynəyin gövdəsində sensorlu idarəetmə paneli olub. Verilmiş yeni məlumata əsasən isə Google şirkəti növbəti AR eynəyində tamamilə fərqli idarəetmə sistemini test edir və test edilən idarəetmə sistemi Google tərəfindən alınmış Noth adlı şirkətin texnologiyası əsasında hazırlanıb. Qeyd etmək lazımdır ki, North şirkəti Focals adlı smart eynəklərin hazırlanması ilə məşğul olurdu. Focals smart eynəklərinin idarəsi isə üzük formasında olan kiçik ölçülü cihaz vasitəsilə reallaşdırılırdı.


    Məlumata əsasən Google şirkətinin yeni AR eynəyində idarəetmə sistemi buna bənzər üsulda reallaşdırılacaq. Bununla yanaşı şirkət alternativ variant kimi smart qolbağı da nəzərdən keçirdir. Məlumata əsasən kiçik ölçülü üzük formasında idarəetmə cihazı halında o, fiziki düymələrdən məhrum olacaq. Smart qolbaq formatında idarəetmə üsulu halında isə qolbaq sensorlu panelə və vibrasiya funksiyasına sahib olacaq. Google şirkətinin yeni AR eynəyinin final dizaynının necə olacağı, nə zaman təqdim ediləcəyi və nə zaman satışa çıxacağı bilinmir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple şirkətinin ilk qarışıq reallıq (AR + VR) cihazının unikal özəllikləri barə..

Bloomberg saytının məşhur insayderi Mark Gurman-ın sözlərinə əsasən Apple şirkəti öz ilk qarışıq rea..


Xiaomi-nin ilk elektromobilinin dizayn özəllikləri sərgilənib

Xiaomi şirkəti öz ilk elektromobili barəsində istənilən məlumatı hələ ki, sirr olaraq saxlayır...


OnePlus-ın ilk mexaniki klaviaturasının fotosu təqdim edilib

91mobiles saytı OnePlus şirkətinin ilk mexaniki klaviaturasının fotosunu əldə edib və onun barəsində..


Samsung iki istiqamətdə qatlana bilən yeni ekranını sərgiləyib

Samsung-un tərkibinə daxil olan Samsung Display şirkəti Flex In & Out adlı yeni qatlana bilən ek..


Apple HomePod 2 smart səsgücləndiricisini təqdim edib - QİYMƏTİ

Apple şirkəti HomePod adlı smart səsgücləndiricisinin ikinci versiyasını təqdim edib.


Tesla-nın 2016-cı ildəki avtopilot sistemi videosu tamamilə quraşdırılma imiş (V..

Tesla şirkəti 2016-cı ildə Model X elektromobili ilə bağlı reklam videosu təqdim etmişdi.

×