Google-un 2010-cu ildə qurulan süni intellekt proqramı inkişaf etdirmə şirkəti DeepMind, bir müddətdir üzərində çalışdığı robotu bu gün təqdim edib. Son illərdə həyatın hər sahəsinə çatan süni intellekt, bu gün robotu stolüstü tennis masasının önünə yerləşdirib. Stolüstü tennis masasının bir ucuna insan, digər ucuna isə robot qolu yerləşdirən DeepMind, robotun stolüstü tennis performansını "həvəskar insan səviyyəsində" olaraq ifadə edir. Yəni o, peşəkar olmasa da, həvəskar oyunçudan daha uğurlu görünür.

     Paylaşılan videoda robot, yüngül və sərt zərbələr edə biləcəyini, bu zərbələrə cavab verə biləcəyini, sürətli və yavaş top atmağı bacardığını nümayiş etdirir, həmçinin müxtəlif vuruşlar üçün nə qədər tez qərar verdiyini göstərir. Google rəsmiləri tərəfindən stolüstü tennisdə ilk həvəskar insan səviyyəli robot olduğu bildirilən bu qol, sınaq mərhələsində orta səviyyəli rəqiblərinin 55%-ni məğlub edə bilib. Lakin peşəkar oyunçu ilə qarşı-qarşıya gəldikdə heç bir oyunda qalib gələ bilməyib.