Çinli tədqiqatçılar tərəfindən yaradılmış yeni növ plastik material 1 həftə ərzində açıq havada və Günəş şüaları altında parçalana bilir. Alimlərin fikirlərinə əsasən bu, emal edilməsi daha sadə olacaq elektronik məhsulların yaradılması yolunda ilk addımdır. Qeyd etmək lazımdır ki, sözügedən yeni növ plastik material çinli tədqiqatçı Liang Luo-nun bir layihəsi çərçivəsində təsadüfən ortaya çıxıb. Belə ki, tədqiqatçı kimyəvi növ sensorun təkmilləşdirilməsi üzərində çalışırdı. O, yeni polimer örtüyün yaradılması üzərində işlər aparırdı və həmin örtük pH səviyyəsindən asılı olaraq rəngini dəyişə bilirdi.

    Bu proses materialın unikal molekulyar struktura sahib olmasından xəbər verir. Belə ki, monomer zəncirləri örtüyə tünd qırmızı rəng verirlər və həmin zəncirlər yox olduqda tünd qırmızı rəng itir. Təcrübə çərçivəsində Liang Luo aşkar edib ki, materialın tünd qırmızı rəngi itib və materialın özü bir neçə gün ərzində Günəş şüaları altında qalması səbəbilə parçalanıb. Plastik materialların emal məsələsində aparılan araşdırmaların ümumi məqsədi də elə məhz material daxilində bu əlaqələrin parçalanmasıdır.

    Ortaya çıxmış yeni növ plastik material qazlı içkilər üçün butulkaların və ya müxtəlif növ plastik torbaların yaradılmasında istifadə oluna bilməz. Belə ki, sözügedən material Günəş şüalarının və oksigenin təsirləri nəticəsində 1 həftə ərzində parçalana bilir. Bununla belə yeni material parçalanandan sonra o, ətraf mühitə zərər verə biləcək heç bir iz qoymur. Yeni növ plastik material dəqiq şəkildə elastiki elektronik cihazlarda və smartfonlarda istifadə oluna bilər. Belə ki, bu cür məhsulların istehsalı zamanı yeni material Günəş şüalarından və açıq havadan tamamilə izolə edilə biləcək.