Huawei Mate 10 Pro-nun daha sadə versiyası olan Honor V10 təqdim olundu

Huawei Mate 10 Pro-nun daha sadə versiyası olan Honor V10 təqdim olundu

Texnologiya
28.11.2017 PAYLAŞIM

Çində keçirilmiş xüsusi tədbir çərçivəsində Honor brendi yeni flaqman modeli V10-u təqdim etdi.

Yeni təqdim olunmuş Honor V10 müasir smartfon trendlərinə cavab verir. Belə ki, o, 18:9 nisbətində olan ekrana, nazik çərçivələrə, ikili kameraya və istifadəçi təcrübəsini təkmilləşdirmək üçün süni zəka texnologiyasına sahibdir. Bundan əlavə olaraq smartfon Emotion UI 8.0 ara üzlü Android 8.0 Oreo əməliyyat sistemi vasitəsilə çalışır. Honor V10-un ön hissəsini bütünlüklə 2160x1080 piksel keyfiyyətli 5.99 inç-lik ekran tutur. Bütün tərəflərdən olan çərçivələr maksimal dərəcədə nazikdirlər. Lakin buna baxmayaraq smartfonun aşağı hissəsində barmaq izi skanına sahib Home düyməsi yerləşdirilib.



Smartfon 8 nüvəli Kirin 970 prosessoru, Mali-G72 MP12 qrafik sürətləndiricisi ilə təchiz olunub. Bundan əlavə olaraq o, süni zəka ilə əlaqəli əməliyyatların yerinə yetirilməsi üçün i7 adlı əlavə prosessora sahibdir. Bu cür çiplər həmçinin Huawei Mate 10 Pro modelində də var. Hər iki modeldə də süni zəka smartfonun performansını artırmaq, enerji sərfiyyatını optimallaşdırmaq, kamera vasitəsilə çəkiliş keyfiyyətini yaxşılaşdırmaq və s. işləri yetirmək üçün istifadə olunur. Honor V10 ikili arxa kameraya sahibdir. Onlardan biri 16 MP, digəri isə 20 MP-lik monoxrom kameradır. f/1.8 diafraqma sayəsində isə smartfon yaxşı işıqlandırılmamış mühitdə keyfiyyətli fotolar çəkə bilir. Huawei Mate 10 Pro modelində də olduğu kimi xüsusi alqoritmlər kadrdakı təsviri analiz edərək hər bir vəziyyət üçün uyğun ayarları istifadəçiyə təqim edir. 13 MP-lik ön kamera da süni zəka texnologiyasından istifadə edir.


Belə ki, süni zəka texnologiyasından istifadə edərək ön kamera vasitəsilə çəkilmiş selfie fotoların keyfiyyətini yaxşılaşdırmaq və onun vasitəsilə smartfonu üz skanı köməyilə blockdan çıxarmaq olar. Digər texniki göstəricilərə gəldikdə isə Honor V10 4/6 GB RAM, 64/128 GB daxili yaddaş (256 GB-a kimi microSD dəstəkli), sürətli enerji yığma özəlliyinə sahib 3750 mAh enerji tutumlu batareya (30 dəqiqə ərzində smartfon 0-dan 50%-ə qədər enerji yığır) və USB Type-C girişi ilə təchiz olunub. 4 GB RAM və 64 GB daxili yaddaşa sahib versiya 409$-a, 64 GB RAM və 128 GB daxili yaddaşa sahib versiya 455$-a, 6 GB RAM və 128 GB daxili yaddaşa sahib versiya isə 530$-a satılacaq. Smartfon 5 Dekabr tarixində satışa çıxacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Blue Origin şirkəti gələn ay olacaq ilk kosmik turistik uçuşa əlavə sərnişin yer..

Jeff Bezos-un Blue Origin şirkəti kosmosa ilk özəl uçuş missiyası üçün əlavə sərnişin yerini 28 mily..


NASA agentliyi astronavtları Aya yollayacaq yeni raketini sərgiləyib

NASA agentliyi ilk dəfə olaraq özünün Space Launch System (SLS) adlı raketlərini sərgiləyib...


Facebook-un ilk smart saatı barəsində yeni məlumatlar verilib

İnsayderlər Facebook şirkətinin ilk smart saatı barəsində yeni məlumatları veriblər.


Məşhur analitik Apple şirkətinin AR cihazının nə zaman təqdim olunacağını açıqla..

WWDC 2021 konfransından sonra məşhur analitik Ming-Chi Kuo, Apple şirkətinin öz artırılmış reallıq c..


Amazon-un yaradıcısı Jeff Bezos yaxın zamanda kosmosa yollanacaq

Amazon şirkətinin təsisçisi Jeff Bezos heç gözlənilmədən kosmosa uçmaq planını elan edib...


Çin Kosmik Stansiyasının yeni növ mühərriklər vasitəsilə çalışacağı məlum olub..

Yer kürəsinin orbitində yığılmasına start verilmiş Çin Kosmik Stansiyası barəsində yeni məlumatlar o..

×