'Huawei', orta seqmentli, lakin əla texniki göstəricilərə sahib Honor 7X modelini təqdim etdi

Bununla da onun Honor brendi, ekranın korpusa 18:9 nisbətində olan genişekranlı formata keçid etdi. Bu smartfon, orta seqment üçün nəzərdə tutulsa da, o, yonulmuş metal korpusa, ikili arxa kameraya və yaxşı texniki göstəricilərə sahibdir. Honor 7X, 2160x1080 piksel keyfiyyətli 5.93 inç-lik ekranla təchiz olunub. Ekranın özü isə 2.5D qoruyucu şüşə ilə örtülüb. Smartfonun çərçivələri maksimal dərəcədə nazik olmasalar da, bu brendin digər modelləri ilə müqayisədə onlar çox nazikdirlər.

Digər özəlliklərə gəldikdə isə smartfon, 2.46 GHz tezlikli 8 nüvəli Kirin 659 prosessoru, Mali-T830 MP2 qrafik sürətləndiricisi, 4 GB RAM, 32/64/128 GB daxili yaddaş (microSD özəllikli), biri 16 MP, digəri isə 2 MP olmaqla ikili arxa kamera, 8 MP-lik ön kamera, 3340 mAh enerji tutumlu batareya ilə təchiz olunub. Bununla yanaşı o, iki SIM kart girişinə və barmaq izi skanına sahibdir. Honor 7X, EMUI 5.1 ara üzlü Android 7.0 Nougat əməliyyat sistemi vasitəsilə çalışır. Cihaz, bu ayın 17-dən satışa çıxacaq və yaddaş həcmindən asılı olaraq onun qiyməti 198$, 258$ və 304$ təşkil edəcək.