İnternetdə “Huawei” şirkətinin istifadəçi üzü skanı texnologiyasının videosu təqdim olunub.

Qeyd etmək lazımdır ki, həmin texnologiya şirkət tərəfindən Honor V10 smarfonu ilə birlikdə anons olunmuşdu. Lakin bu texnologiya hələ də şirkətin heç bir smartfon modelində reallaşdırılmayıb. Şirkətin təmsilçiləri qeyd ediblər ki, bu sistem iPhone X-də olan Face ID texnologiyasından daha dəqiq çalışır. Hal hazırda “Huawei” şirkətinin bu texnologiyası smartfona USB Type-C girişi vasitəsilə qoşulan ayrıca modul kimi çalışır.

Həmin modul istifadəçi üzünü təyin edən çoxlu sayda sensorlardan ibarətdir. Şirkətin verdiyi məlumata əsasən istifadəçi üzünün 3D modelinin yaradılması üçün onlar infraqırmızı proyektor, RGB kamera, infraqırmızı kamera, infraqırmızı işıqlandırma və iki ədəd RGB diod işıqlarından istifadə ediblər. Aşağıdakı videoda bu sistemin necə çalışdığı əks olunub. Güman olunur ki, bu yeni texnologiya hələ anonsu olmamış Huawei P11 modelinə inteqrasiya olunacaq.

Bənzər xəbər

Tarixdəki iPhone skandalları!