Huawei şirkəti openEuler adlı ikinci əməliyyat sistemini təqdim etdi

Huawei şirkəti openEuler adlı ikinci əməliyyat sistemini təqdim etdi

Texnologiya
11.01.2020 PAYLAŞIM

    Bir çox istifadəçilərin Huawei şirkətinin fərdi əməliyyat sistemi olan HarmonyOS əməliyyat sisteminin bütün dünyada istifadəyə verilməsini gözlədikləri bir vaxtda Huawei heç gözlənilmədən özünün tamamilə yeni open source əməliyyat sistemini təqdim etdi. Şirkətin ikinci əməliyyat sistemi openEuler adlanır. Məlumata əsasən bu Linux distributivi potensial olaraq Android-i və Windows-u əvəz edə bilər. Bu barədə Gizchina saytı xəbər verib. Məlumata əsasən sözügedən layihənin reallaşdırılmasına 17 sentyabr 2019-cu il tarixində start verilib.


    Sözügedən əməliyyat sistemi personal kompüter prosessorları (x86) və mobil ARM64 cihazlar üzrə optimizasiya edilmiş Linux CentOS əsasında hazırlanıb və EulerOS-in açıq mənbəli koda sahib variantı qismində çıxış edir. Beləliklə bu əməliyyat sistemi potensial olaraq Android-i və Windows-u əvəz edə bilər. Huawei şirkətinin verdiyi məlumata əsasən hal hazırda bu əməliyyat sisteminin icmasında 50-dən çox iştirakçı və 20-ə yaxın SIG (layihələr qrupu) var. openEuler özündə 2 versiyaya sahib (həm ARM həm də X86 prosessorları üçün) 100-dən çox proqram paketini birləşdirir. Əməliyyat sisteminin 2 ən perspektivli istiqamətlərindən iSulad A-Tune layihələri adlandırılır.

    iSulad, gRPC xidməti əsasında konteynerlərin yerinə yetirilməsi üçün nəzərdə tutulmuş sadələşdirilmiş mühitdir. Məlumatda qeyd edilib ki, runc ilə müqayisədə iSulad layihəsi C proqramlaşdırma dilində yazılıb, lakin bütün interfeyslər OCI ilə uyğunlaşırlar. A-Tune isə AI mühərrikli bir sıra ssenarilər üzrə sistemin avtomatik optimizasiyası üçün nəzərdə tutulmuş proqram təminatıdır. Hal hazırda openEuler haqqında məlumat çox azdır. Bundan əlavə olaraq openEuler 1.0-in ISO versiyası artıq aktivdir və o, ARM64 arxitekturası əsasında hazırlanmış sistemlər ilə uyğunlaşır. Huawei şirkəti sözügedən əməliyyat sistemi üzrə planlarını hələ açıqlamayıb.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Cənubi Koreyanın uşaq bağçalarında uşaqların tərbiyələri ilə smart robotlar məşğ..

Cənubi Koreyanın paytaxtı Seulda yerləşən uşaq bağçalarında robotlar təhsil bələdçiləri rolunda da ç..


Xiaomi öz elektromobillərinin istehsalı üçün fərdi zavodunu inşa edəcək..

Bu ilin mart ayında Xiaomi şirkəti rəsmi olaraq elektromobil bazarına daxil olacağını elan etmişidi...


Məşhur analitik Apple şirkətinin ilk AR cihazı barəsində yeni məlumatlar verib..

Məşhur analitik Ming-Chi Kuo-nun yeni hesabatına əsasən Apple şirkətinin AR cihaz (Artırılmış Reallı..


AR texnologiyasının yaradıcısı metakainatı sosial şəbəkələrdən daha təhlükəli he..

Metakainatların (metaverse) yaradılmasının hansı nəticələrə gətirib çıxaracağını öncədən proqnozlaşd..


Apple-dan sonra Xiaomi də öz cihazlarının istifadəçilər tərəfindən fərdi təmir x..

Apple şirkətindən sonra texniki məhsulların istifadəçilər tərəfindən fərdi şəkildə təmir imkanını Xi..


Yeni daşınıla bilən cihaz yüksək dozada narkotik vasitənin qəbulu halında insan ..

Nalokson adlı dərman preparatı heroin və ya digər opioid növlərinin yüksək dozada qəbulu nəticəsində..

×