Huawei, Xiaomi, OPPO və Vivo şirkətləri Google Play-in rəqibini yaratmaq üçün birləşdilər

Huawei, Xiaomi, OPPO və Vivo şirkətləri Google Play-in rəqibini yaratmaq üçün birləşdilər

Texnologiya
07.02.2020 PAYLAŞIM

    Bir çox Android istifadəçiləri üçün Google Play online mağazası sözügedən əməliyyat sisteminin ayrılmaz hissəsidir. Lakin Çində tətbiqlər çox zaman kənar servislər vasitəsilə yayılırlar. Görünür, bu cür vəziyyət həmçinin Çindən kənarda da baş verə bilər. Hər halda Huawei, Xiaomi, OPPOVivo şirkətləri bunu reallaşdırmaq niyyətindədirlər. Bu barədə Phonearena saytı xəbər verib. Beləliklə Çinin ən böyük smartfon istehsalçıları olan Huawei, Xiaomi, OPPO və Vivo şirkətləri birlikdə Global Developer Service Alliance (GDSA) adlı yeni təşkilatı yaratdıqlarını elan ediblər.

    Bu təşkilatın əsas məqsədi Çindən kənarda mobil tətbiqlərin yayılmasını reallaşdıracaq platformanın hazırlanması və inkişaf etdirilməsidir. Adları sadalanmış şirkətlər sözügedən platformanı artıq bu ilin mart ayında istifadəyə verməyi planlaşdırırlar. İlkin növbədə həmin platforma Asiya və Avropa ölkələri üçün nəzərdə tutulacaq. Çindən olan şirkətlərin Google Play ilə necə rəqabət aparacaqları məlum deyil. Belə ki, Google Play-də artıq milyonlarla tətbiq mövcuddur.


    Üstünlük kimi GDSA platforması bütün alışlardan az komissiya faizi təklif edə bilər. Belə ki, Google Play-ə tətbiq yükləyən zaman tərtibatçılar Google şirkətinə istifadəçilərin tətbiq daxilində etdikləri hər alışdan 30% komissiya ödəməlidirlər. Qeyd etmək lazımdır ki, Huawei şirkəti AppGallery adlı fərdi online mağazasına sahibdir. Şirkət ondan Google Play-ə alternativ kimi istifdə edir və şirkətin verdiyi məlumata əsasən AppGallery aylıq 390 milyon aktiv istifadəçi kütləsinə sahibdir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Jeff Bezos-un Blue Origin şirkəti Orbital Reef adlı orbital kosmik stansiyasını ..

Jeff Bezos-un Blue Origin aerokosmik şirkəti Orbital Reef adlı özəl orbital kosmik stansiyanın yarad..


Elon Musk-ın Boring Company şirkəti Las-Veqasda 51 stansiyalı yeraltı tunellər s..

Nevada ştatının Klark adlı dairəsi Elon Musk-a məxsus olan Boring Company şirkətinin planına razılıq..


Apple M1 Max-ın qrafik çipi bençmark testlərində Nvidia GeForce RTX 2080 Super-i..

Reddit istifadəçilərindən biri Apple şirkətinin yeni prosessoru olan M1 Max-ın sahib olduğu qrafik ç..


Məşhur insayder Snapdragon 898 və MediaTek Dimensity 2000 barəsində yeni məlumat..

Digital Chat Station ləqəbli məşhur çinli insayder Snapdragon 898 ilə MediaTek Dimensity 2000 proses..


Məşhur analitik: 'Apple qarışıq reallıq cihazının istehsalını təxirə salıb'..

Son zamanlar Apple şirkətinin qarışıq reallıq (AR+VR) eynəyini satışa çıxardacağı barəsində çoxlu sa..


Xiaomi-nin öz ilk elektromobil istehsalına nə zaman başlayacağı məlum olub..

Smartfonları ilə tanınan Xiaomi şirkəti yaxın bir neçə il ərzində öz elektromobil istehsalına start ..

×