IFA 2017: 'Sony', iki flaqman və bir büdcəli smartfon modellərini təqdim etdi

IFA 2017: 'Sony', iki flaqman və bir büdcəli smartfon modellərini təqdim etdi

Texnologiya
31.08.2017 PAYLAŞIM

Berlində keçirilən IFA 2017 tədbirində “Sony” şirkəti, iki flaqman və bir ədəd büdcəli smartfon təqdim etdi.

Hər iki flaqman model, 3D skan texnologiyiasına və yeni nəsil Motion Eye kamerasına sahibdir. Təqdim olunmuş büdcəli smartfon Xperia XA1 Plus, alüminiumlu kənar çərçivələrə sahibdir. Cihaz, 5.5 inç Full HD ekran, Mediatek Helio P20 prosessoru, 4 GB RAM, 32 GB daxili yaddaş, 23 MP-lik arxa, 8 MP-lik ön kamera və 3430 mAh enerji tutumlu batareya ilə təchiz olunub. Smartfonun arxa kamerası, F2.0 optikasına sahib olduğu üçün o, az işıqlı mühitdə keyfiyyətli fotolar çəkməyə qadirdir. 8 MP-lik ön kamera isə genişbucaqlı 23 mm-lik obyektivə sahibdir. Bu büdcəli modeldə olan Smart Cleaner funksiyası isə işlədilməyən tətbiqləri deaktiv etmək və keşi təmizləmək üçün yarayır. Smartfon, Android 8.0 Oreo əməliyyat sistemi vasitəsilə çalışacaq. Xperia XA1 Plus, bu ilin payız fəslində satışa çıxacaq.


 

Xperia XZ1 haqqında məlumatlar və onun fotoları daha öncə də sızdırılmışdı. Bu modelin korpusu dözümlü metaldan hazırlanmışdır. Bundan əlavə olaraq smartfon IP65/IP68 standartlarına uyğun olaraq sudan və tozdan qorunmaya da sahibdir. Onun ekranı isə Corning Gorilla Glass 5 şüşəsi vasitəsilə qorunur. Texniki göstəricilərinə gəldikdə isə Xperia XZ1, 5.2 inç Full HD ekran, Snapdragon 835 prosessoru, Adreno 540 qrafik gücləndiricisi, 4 GB RAM, 64 GB daxili yaddaş, saniyədə 960 kadr çəkən 19 MP-lik arxa kamera, 13 MP-lik ön kamera və 2700 mAh enerji tutumlu batareya ilə təchiz olunub. Bundan əlavə olaraq bu model vasitəsilə 4 rejim üzrə skan etmək mümkündür. Baş hissənin skanı, üz hissənin skanı, yeməklərin skanı və azad şəkildə skan. Xperia XZ1 də Android 8.0 Oreo əməliyyat sistemi vasitəsilə çalışacaq və o, Oktyabr ayında 770$ qiymətində satışa çıxacaq.

Flaqman modelin kompakt versiyası olan Xperia XZ1 Compact, 4.5 inç HD ekran, Snapdragon 835 prosessoru, Adreno 540 qrafik gücləndirici, 4 GB RAM, 32 GB daxili yaddaş, saniyədə 960 kadr çəkən 19 MP-lik Motion Eye arxa kamera, 8 MP-lik ön kamera və 2700 mAh enerji tutumlu batareya ilə təchiz olunub. Bu model də Android 8.0 Oreo əməliyyat sistemi vasitəsilə çalışacaq. Qeyd etmək laızmdır ki, kompakt versiyanın ekranı da Corning Gorilla Glass 5 şüşəsi qoruyur. Xperia XZ1 Compact da Oktyabr ayında satışa çıxacaq.



DAHA ÇOX


Apple Vision Pro-nun batareya həcmi barəsində yeni məlumat ortaya çıxıb

Vision Pro-nun təqdimatı zamanı Apple şirkəti ənənəyə sadiq qalaraq cihazın texniki göstəricilərinə ..


Acer Nitro XV272URV adlı gaming monitoru təqdim edilib - QİYMƏTİ

Acer şirkəti Nitro XV272URV adlı yeni gaming monitorunu təqdim edib.


Apple investorları Vision Pro-dan razı qalıblar

Apple Vision Pro-nun təqdimatından öncə o, investorları o qədər də maraqlandırmırdı.


İnternetdən xəbərsiz milyonlarla insan: Şimali Koreyada internetdən istifadə təc..

Cənubi Koreyanın People for Successful Corean Reunification (Pscore) adlı insan hüquqları təşkilatı ..


Mark Zuckerberg Apple Vision Pro-nu tənqid edib

Apple şirkəıtinin təqdim etmiş olduğu Vision Pro adlı qarışıq reallıq cihazı Meta-nın CEO-su Mark Zu..


Huawei 3-cü səviyyəli avtopilot sisteminin nə zaman istifadəyə veriləcəyini açıq..

Huawei şirkətinin istehlakçı biznesi şöbəsinin rəhbəri Yu Chengdong 3-cü səviyyəli (L3) avtopilot si..

×