İki ekrana sahib qapaqlı flaqman modeli Samsung W2018 təqdim olundu

Smartfonun təqdim olunduğu xüsusi tədbir çərçivəsində onun barəsində olan əvvəlki məlumatların hamısı öz təsdiqini tapdı. Beləliklə bu yeni smartfon W seriyalı cihazlara start verir. Samsung W2018 iki ekrana sahibdir. Onlardan birini hətta smartfon bağlı olduqda da işlətmək olar. Onun korpusu metaldan hazırlanıb, barmaq izi skanı isə arxa paneldəki kameranın yanında yerləşdirilib.

Söndürüb/yandırma, blocka salma və səs tənzimləmə düymələri smartfonun sağ tərəfində yerləşir. Bixby səsli köməkçi düyməsi və SIM kart girişi isə sol tərəfdədir. İdarəetmə üçün D-pad adlı sensorlu çarxdan istifadə olunur. Texniki özəlliklərə gəldikdə isə smartfon 2 ədəd 4.2 inç-lik AMOLED ekranı (Gorilla Glass 5 qoruyucu şüşəli), 2.35 GHz tezlikli 8 nüvəli Snapdragon 835 prosessoru, 6 GB RAM, 64/256 GB daxili yaddaş, f/1.5 diafraqmalı 12 MP-lik arxa və 5 MP-lik ön kamera, 2300 mAh enerji tutumlu batareya ilə təchiz olunub.

Qeyd etmək laızmdır ki, yaxşı işıqlandırılmış mühitdə arxa kamera f/2.4 diafraqmasına keçid edir. Həmçinin o özündə hibrid avtofokus və optik stabilizasiya özəlliklərini də birləşdirir. Smartfon Samsung Experience 8.5 ara üzlü Android 7.1.1 Nougat əməliyyat sistemi vasitəsilə çalışır. Şarj prosesi isə USB Type-C girişi vasitəsilə reallaşdırılır. Smartfon klaviaturasının yuxarı hissəsində həmçinin göz qişası skanı da mövcuddur. Samsung W2018-in qiyməti barəsində hələki heç bir məlumat verilməyib.