İlk iPhone-nun yaradılması haqqında çox maraqlı fakt. Əslində Jobs, iPhone-nu kimin acığına yaratmışdı?

İlk iPhone-nun yaradılması haqqında çox maraqlı fakt. Əslində Jobs, iPhone-nu kimin acığına yaratmışdı?

22.06.2017 PAYLAŞIM

Bu il ilk iPhone modelinin 10 yaşı tamam oldu. Bu münasibətlə “Apple” şirkəti, ilk iPhone modelinin yaradılması haqqında maraqlı faktları ortaya çıxartmağa başlayıb. Bir neçə gün bundan öncə məlum oldu ki, Steve Jobs əslində ilk iPhone modelini daha çox Android smartfona bənzətmək istəyirdi. İndi isə daha bir maraqlı fakt ortaya çıxıb. iPhone və iPad modellərinin yaradıcılarından biri olan Scott Forstall bildirib ki, Steve Jobs-un, “Microsoft” şirkətinin bir əməkdaşı ilə münaqişəsi, Jobs-u, iPhone yaratmağa sövq edib. Forstall-ın sözlərinə əsasən Jobs, “Microsoft” şirkətinin bir əməkdaşı ilə tanış idi. Buna baxmayaraq onlar heç vaxt ortaq məxrəcə gələ bilmirdilər. Onlar ona görə ünsiyyət qurmuşdular ki, “Microsoft”un həmin əməkdaşı, Jobs-un həyat yoldaşının yaxın rəfiqəsi ilə evli idi. Bu iki şəxs arasındakı ünsiyyət daha çox münaqişəni xatırladırdı.

Hər dəfə sözügedən əməkdaş ilə ünsiyyətdən sonra Jobs çox hirsli olurdu. Jobs-u ən çox əsəbləşdirən isə həmin əməkdaşın “Microsoft” tərəfindən hazırladığı planşetləri necə təriflədiyi və gələcəkdə stilusların çox məşhur olacaqları barəsindəki cümlələr idi. Məlumdur ki, Jobs özü stiluslara nifrət edirdi və onları lazımsız əşya kimi hesab edirdi. O hər dəfə qeyd edirdi ki, insan doğuşdan 10 ədəd stilusa sahibdir və hansısa məhsulu istifadə etmək üçün 11-ci stilusa ehtiyac yoxdur. Forstall onu da qeyd edib ki, bir neçə toxunuşa eyni anda reaksiya verən sensor ekranlı planşetin prototipini Jobs məhz “Microsoft”da çalışan əməkdaşın acığına yaratmışdı. O, stilusları tərifləməklə onu əsəbləşdirən “Microsoft” əməkdaşını bu cür üsulla cəzalandırmaq istəyirdi. Daha sonra Jobs, Forstall-a planşetin ölçüsünü, smartfona kimi kiçiltməyi təklif etdi. Həmin ideya onun o dərəcədə xoşuna gəldi ki, layihə öz istiqamətini dəyişərək nəticədə smartfon yönümlü oldu. Beləliklə 2007-ci ildə ilk iPhone modeli işıq üzü gördü.



SİZƏ MARAQLI OLACAQ BİR NEÇƏ MƏLUMAT


Redmi Note 8 Pro'nun qiyməti təqdimatdan öncə məlum oldu

Redmi Note 8 Pro smartfon modelinin təqdimatına çox az zaman qalmış onun barəsində demək olar ki, hə..


Redmi brendi artıq K20 smartfon modelinin davamçısı üzərində çalışır

May ayında Xiaomi şirkətinin Redmi brendi Redmi K20 smartfon seriyasını təqdim etmişdi.


Azercell 'Rəqəmsal Dünya Bölgələrdə' layihəsi çərçivəsində uşaqları və məcburi k..

Azercell Telekom “Rəqəmsal Dünya Bölgələrdə” şüarı altında iyul ayından başlayaraq ölkənin şəhər bə ..


Mercedes-Benz şirkəti öz alıcılarını izlədiyini etiraf edib

Smartfon istifadəçiləri artıq təəccüblənmirlər ki, həmin smartfonlr onların yerləşdikləri yerləri iz..


Onlayn sağlamlıq proqramları və məşqlər üçün yeni yerli tətbiq təqdim olundu - F..

Tətbiqin ən əsas üstünlüyü ondan ibarətdir ki, bu proqramlar sizə təsadüfi və kor təbii şəkildə təqd..


ABŞ'ın Huawei şirkətinə təqdim etmiş olduğu lisenziya daha 3 aylıq uzadılacaq..

ABŞ-ın ticarət nazirliyi Huawei şirkətinə qarşı təyin edilmiş sanksiyaların daha 3 ay təxirə salınma..