İllərlə istifadə edilməyən SSD-lərdə məlumatlar silinə bilər

     Uzunmüddətli məlumat saxlama üçün adətən maqnit disklərə əsaslanan klassik sərt disklərdən istifadə olunur, çünki bu, sadəcə olaraq daha ucuz başa gəlir. Bununla belə, əgər istifadəçi bərk vəziyyətli yaddaş qurğusunda (SSD) “soyuq arxiv” yaratmaq istəyirsə, o, bir neçə il sonra bəzi məlumatlarını itirmək riski ilə qarşılaşa biləcəyini anlamalıdır. Bu qənaətə HTWingNut ləqəbli bloqer tərəfindən başladılmış təcrübə səbəb olub. Təcrübədə TLC tipli yaddaşa malik 128 GB tutumlu dörd Leven JS-600 SSD istifadə olunub və hər birinə 100 GB məlumat yazılaraq sistem blokundan ayrılmış vəziyyətdə saxlanılıb.

     Təcrübə 2 il əvvəl başlayıb və həmin vaxt bu 4 qurğudan 2-si yeni olub, digərləri isə artıq 280 TB həcmində yazma əməliyyatı keçmişdi, baxmayaraq ki, istehsalçı onların maksimum resursunu 60 TB olaraq göstərmişdi. Məlumatların bütövlüyünü yoxlamaq üçün bütün fayllara nəzarət cəmi əlavə olunmuşdu. Təcrübənin müəllifi SSD-lər sistem blokundan ayrılmış vəziyyətdə saxlanıldıqdan sonra məlumatların qorunub-qorunmadığını təxminən hər il yoxlamağı öhdəsinə götürmüşdü. Saxlanmanın ilk ilindən sonra vəziyyət, hətta “köhnəlmiş” SSD-lərdə belə, olduqca qənaətbəxş görünürdü. Lakin zaman keçdikcə məlumatların yoxlanılması daha uzun çəkməyə başladı və 2-ci il bu tendensiya əməliyyatın müddətinin dəfələrlə artması ilə özünü göstərdi.

     İkincisi, ECC (səhvlərin düzəldilməsi kodu) funksiyası vasitəsilə bərpa olunan məlumat bloklarının sayı nəzərəçarpacaq dərəcədə artdı, baxmayaraq ki, bu, həmişə məlumat itkisinə səbəb olmurdu. Köhnəlmiş yaddaş qurğularında, əlavə olaraq, HD Sentinel proqramına əsasən 10 000 sektor içindən üçündə nasazlıq aşkar edilib və iki il keçdikdən sonra bu qurğularla işləyərkən məlumat ötürmə sürəti dəyişkən olmağa başlayıb. Bu, testlərdə qurğuların məhsuldarlığına mənfi təsir göstərib. Təcrübənin müəllifi belə nəticəyə gəlib ki, hətta istismarda olmayan, lakin daxilinə xeyli miqdarda məlumat yazılmış bərk vəziyyətli yaddaş qurğuları uzun müddət kompüterə qoşulmadan saxlanıldıqda bəzi məlumatların itirilməsi riskinin artmasını nümayiş etdirir.

Mənbə: Tomshardware

Bənzər xəbərlər

Elm & Texnologiya

SpaceX Falcon 9-un birinci pilləsinin təkrar istifadəsində yeni rekorda imza atıb

SpaceX Falcon 9 daşıyıcı raketinin birinci pilləsinin təkrar istifadəsində yeni rekorda imza atıb - raket 14 aprel tarixində 27-ci dəfə uçuşa göndərilərək orbitə 21 ədəd V2 Mini internet peykini çatdırıb.

Elm & Texnologiya

2030-cu ilə qədər data mərkəzləri 2 dəfə daha çox enerji sərf edəcəklər

Beynəlxalq Enerji Agentliyinin (BEA) hesabatına görə, 2030-cu ilə qədər məlumat emalı mərkəzlərinin elektrik enerjisi istehlakı 2 dəfədən çox artaraq 945 teravat-saat təşkil edəcək ki, bu da Yaponiyanın illik enerji istehlakına bərabərdir.

Elm & Texnologiya

İnsanabənzər robotlar arasında boks döyüşü anons edilib (VİDEO)

Robototexnika sahəsində fəaliyyət göstərən Unitree Robotics şirkəti sosial şəbəkə X-də “Unitree Fist King: Awakening” adlı tədbirini elan edib. Söhbət təxminən 1 ay sonra baş tutacaq boks döyüşündən gedir, burada rinqdə iki insanabənzər robot qarşı-qarşıya gələcək.

Elm & Texnologiya

Pentaqon PUA-lara qarşı yeni energetik silahı test edib (VİDEO)

ABŞ-ın dronlara qarşı mübarizəyə həsr olunmuş Epirus şirkəti yeni yüksək enerjili mikrodalğalı silah sistemini təqdim edib. Leonidas H2O adlı bu sistem bir enerji impulsu ilə eyni anda qayıq motorlarını, pilotsuz suüstü gəmiləri və pilotsuz uçuş aparatlarını sıradan çıxara bilir.

Elm & Texnologiya

Qarşılıqlı əlaqə imkanına sahib ilk holoqramlar yaradılıb (VİDEO)

Elmi-fantastik filmlərdəki holoqramlar ona görə cəlbedicidir ki, onları hər hansı bir qurğu olmadan bütün tərəflərdən izləmək ilə yanaşı, eyni zamanda əllə toxunaraq idarə etmək də olur. İndiyədək real üçölçülü ekranlar bu funksiyanı təqdim edə bilmirdi.