Ingenuity pilotsuz uçuş aparatı Marsdakı missiyasını yekunlaşdırdı

     2021-ci ildə Mars səthində Perseverance aparatı ilə birgə fəaliyyətə başlamış Ingenuity adlı pilotsuz uçuş aparatı (PUA) öz missiyasını yekunlaşdırdı. NASA-nın vermiş olduğu məlumata əsasən Ingenuity-də olan mexaniki nasazlıq səbəbilə o artıq uça bilməyəcək. NASA mühəndisləri Ingenuity ilə əlaqəni davam etdirsələr də onun Marsdakı missiyasının yekunlaşdığını hesab etmək olar. Ingenuity-də olan mexaniki nasazlığı PUA-nın özündə olan kamerası ortaya çıxardıb.

     Fotodakı kölgədən də görmək olar ki, Ingenuity-nin pərlərindən birinin uc hissəsi tamamilə məhv olub. Bunun hansı səbəbə görə baş verdiyi tam aydın deyil. Ola bilər ki, PUA-nın pəri eniş zamanı Mars süxuru ilə toqquşub. Qeyd etmək lazımdır ki, Ingenuity ümumilikdə Mars səthində 72 uçuş missiyasını reallaşdırıb. Ümumilikdə isə Ingenuity Mars səthində 1043 Mars sutkası ərzində fəaliyyət göstərib. NASA mütəxəssisləri isə daha öncə bu missiyanın yalnız 30 Mars sutkası ərzində davam edəcəyini gözləyirdilər. Ingenuity-nin əsas məqsədi Marsda uçuş imkanlarının test olunması və planet səthinin fotolarının çəkilməsi idi.

Bənzər xəbərlər

Elm & Texnologiya

Mars ekvatorunda böyük həcmdə su buzu aşkar edilib

Marsda planetin bütün səthinin 1.5-2.7 metr dərinlikli okeanla əhatə olunmasına kifayət edəcək qədər su aşkar edilib.

Elm & Texnologiya

Amerikalı astronavtların Aya geri dönüşləri 1 illik təxirə salınıb

NASA “Artemis 2” və “Artemis 3” Ay missiyalarını 1 illik təxirə salıb.

Elm & Texnologiya

NASA kosmosdan Yer kürəsinə pişik videosu göndərib (VİDEO)

NASA tarixdə ilk dəfə yüksək keyfiyyətli videonu kosmosdan Yer kürəsinə göndərib.

Süni İntellekt

NASA BKS-in (Beynəlxalq Kosmik Stansiya) məhvinə 1 milyard dollar vəsait sərf edəcək

NASA BKS-in (Beynəlxalq Kosmik Stansiya) məhv edilməsinə 1 milyard dollar vəsait sərf etməyi planlaşdırır.

Süni İntellekt

Mars süxur nümunələrinin Yer kürəsinə çatdırılması tam şəkildə maliyyələşdiriləcək

ABŞ Nümayəndələr Palatası NASA-nın Mars Sample Return (MSR) adlı missiyasını tam şəkildə maliyyələşdirmək qərarını verib.