İnsanlar öz smartfonlarını gün ərzində 200 dəfədən çox yoxlayırlar

     Counterpoint Research şirkətinin aparmış olduğu tədqiqata əsasən 2024-cü ildə insanlar gün ərzində ortalama olaraq 205 dəfə smartfonlarını yoxlayıblar. Bu o deməkdir ki, yuxu prosesini saymasaq, istifadəçilərin çoxu öz smartfonları ilə hər 5 dəqiqədən bir qarşılıqlı əlaqədə olurlar. Aparılmış tədqiqat onu göstərib ki, smartfonu daimi şəkildə yoxlamaq artıq həyatımızın ayrılmaz hissəsinə çevrilib və bu davranış insanların özəl və professional tərəflərinə təsir göstərir. Məlumatda qeyd edilib ki, smartfonla daimi qarşılıqlı əlaqə əsasən messencerlərlə, sosial şəbəkələrlə və bildirişlərlə əlaqəlidir.

     Tədqiqatda qeyd edilib ki, istifadəçilərin 40%-i hətta heç bir məqsəd olmadan smartfonların ekranlarını aktivləşdirirlər. Bu isə öz növbəsində avtomatik davranış patternlərinin formalaşmasından xəbər verir. Mütəxəssislər bunu tətbiqlərdən istifadə hallarının artması ilə əlaqələndirirlər. Bu məsələnin narahatedici tərəfi ondadır ki, istifadəçilərin çoxu smartfonlardan həddən artıq istifadənin mənfi nəticələrə səbəb olduğunu etiraf edib. Bu cür mənfi nəticələr arasında yuxu pozğunluğu, produktivliyin aşağı düşməsi və ünsiyyətdə problemlər var. Mütəxəssislər belə halların yaşanmaması üçün smartfondan istifadə müddətinin məhdudlaşdırılmasını və bildirişlərin deaktiv edilməsini məsləhət görürlər.

Bənzər xəbərlər

Elm & Texnologiya

2024-cü ilin əsas ifadəsi açıqlanıb

Oksford lüğəti 2024-cü ilin əsas ifadəsini təyin edib. Maraqlısı ondadır ki, 2024-cü ilin təyin edilmiş əsas ifadəsi ilk dəfə ABŞ yazıçısı və filosofu Henry David Thoreau-nun 1854-cü ildə dərc edilmiş “Walden; or, Life in the Woods” adlı kitabında istifadə edilmişdi.

Elm & Texnologiya

İnsan beyninin düşüncə sürəti təyin edilib

Kaliforniya Texnologiya İnstitutunun tədqiqatçıları insan düşüncələrinin sürətini təyin etməyi bacarıblar. Aparılmış yeni tədqiqat beynin məlumatı emal etməsi sürəti ilə insan bədəninin müxtəlif sensorlardan təşkil edilmiş sisteminin məlumatları yığma sürəti arasındakı əhəmiyyətli dərəcədə uyğunsuzluğu ortaya çıxarıb.

Elm & Texnologiya

Alimlər yeni bir metodla xərçəng hüceyrələrini normal bir hüceyrəyə çevirə biliblər!

Bir qrup alim kolon xərçəngi hüceyrələri üzərində araşdırma apararaq, bu hüceyrələrin sağlam vəziyyətə qayıtmasını təmin edən yeni bir üsul kəşf edib. Yeni texnika, xərçəngin müalicəsində inqilabi rol oynaya bilər.

Elm & Texnologiya

Google-un yeni kvant çipi paralel kainatların mövcudluğunu sübut edə bilər!

Google-un yeni kvant çipi "Willow" elm və texnologiya dünyasında həm böyük maraq, həm də mübahisələrə səbəb olub. Çipin göstərdiyi gözlənilməz performans multikainat nəzəriyyəsinin yenidən müzakirəyə çıxarılmasına səbəb olub.

Elm & Texnologiya

Eşitmə probleminin müalicəsində inqilab: Dünyanın ən qəribə iynəsi hazırlanıb!

Eşitmə probleminin və digər daxili qulaq xəstəliklərinin müalicəsi üçün 3D çap texnologiyası ilə innovativ bir mikro iynə hazırlanıb. Bu iş təxminən 10 il davam çəkib.