Intel Core Ultra prosessorlarının nə zaman təqdim olunacaqları rəsmi şəkildə açıqlanıb

     Intel şirkəti Core Ultra (Meteor Lake) adlı seriyasının yeni prosessorlarının nə zaman təqdim olunacaqlarını rəsmi şəkildə açıqlayıb. Beləliklə şirkətin yeni prosessorları 14 dekabr tarixində baş tutacaq AI Everywhere adlı tədbir çərçivəsində təqdim olunacaqlar. Qeyd etmək lazımdır ki, bu tədbirin mərkəzi mövzusu prosessorlardakı süni zəka imkanları olacaq. Daha öncəki məlumat sızıntılarına əsasən Meteor Lake arxitekturası prosessorların texniki tərəflərinin süni zəka alqoritmləri ilə daha yaxşı çalışmalarına istiqamətlənib.