iPhone 8-in təmir olunma mümkünlüyü haqqında məlumatlar açıqlandı

Xarici görünüşcə iPhone 8, keçən ilk iPhone 7-dən demək olar ki, fərqlənmir. Əsas fərqləndirici özəllik isə iPhone 8-in şüşə örtüklü arxa qapağı olub. Bunun əsas səbəbi isə smartfona naqilsiz şarj texnologiyasını yerləşdirməkdir. iPhone 8-in hissələrə ayrılması, əvvəlki modellərdə də olduğu kimi ekranın diqqətli şəkildə korpusdan ayrılmasından başlıyır. Bunun üçün mütəxəssislər xüsusi alətlərdən istifadə ediblər. Smartfonun daxilində 1821 mAh enerji tutumlu batareyaya rast gəlinib.

Müqayisə üçün qeyd etmək lazımdır ki, iPhone 7, 1960 mAh enerji tutumlu batareya ilə təchiz olunur. Bununla yanaşı iFixit mütəxəssisləri qeyd ediblər ki, yeni modelin daxilində LPDDR4 tipli 2 GB RAM və Qualcomm MDM9656 Snapdragon X16 LTE modemi var. iPhoen 8-in hissələrə ayrılmasından olan müsbət cəhətlər siyahısına ekran ilə batareyanın rahat şəkildə əvəz edilməsi daxil edilib. Bununla yanaşı smartfonda naqilsiz şarj texnologiyasının olması nəticəsində Lightning girişinə olan yüklənmə azalır.

Toz və su filtrlərinin olması, təmiri bir qədər qəlizləşdirir. Smartfonun quruluşunda standart Philips/JIS vintlərindən istifadə olunsa da, şirkət 4 müxtəlif tərz detallardan istifadə edir. Bu isə öz növbəsində smartfonun hissələrə ayrılmasında çətinliklər yaradır. Bununla yanaşı iFixit mütəxəssisləri, arxa şüşə örtüyün əvəz edilməsi çətinliyindən və cihazın aşağı hissəsindəki komponentlərdən narazı qalıblar. Nəticə etibarilə iFixit mütəxəssisləri, təmir olunma mümkünlüyünə görə iPhone 8-ə 10 xaldan 6-nı veriblər. Qeyd etmək lazımdır ki, keçən ilki iPhone 7, 7 xal almışdı.