
Gələn ayın ən gözlənilən hadisəsi, yeni iPhone modelinin təqdimatıdır.
Bir çox şaiyələrə görə gələn ay keçiriləcək tədbirdə, “Apple” şirkəti bizlərə iPhone 7S, iPhone 7S Plus və iPhone 8 modellərini təqdim edəcək. Ən çox gözlənilən isə təbii ki, iPhone 8-dir. Belə ki, bir çox gözləntilərə əsasən o, tamamilə çərçivəsiz ekrana sahib olacaq və özü ilə bir çox yenilikləri gətirəcək. “Apple”, media nümayəndələrinə hələki dəvətnamələr göndərməsə də, təqdimatın tarixi barəsində məlumatlar yavaş-yavaş peyda olmağa başlayıb. Məlumata əsasən yeni iPhone modellərinin təqdimatı, 12 Sentyabr tarixində baş tutacaq. Onların satışı isə 22 Sentyabr tarixində start götürəcək. Bundan əlavə olaraq iPhone 8-in qiyməti barəsində də məlumatlar yayılıb. Həmin məlumatlara əsasən 64 GB daxili yaddaşa sahib iPhone 8, 999$ qiymətinə satılacaq. Bundan əlavə olaraq 256 və 512 GB daxili yaddaşa sahib versiyaların da satışa çıxması gözlənilir.