Çinin Weibo saytında iPhone SE 2 modelinin mümkün ola biləcək fotoları peyda olub. Beləliklə fotolardan da görmək olar ki, nəzərə çarpan ilk yeniliklərdən biri smartfonun arxa panelinin şüşədən hazırlanmasıdır. Çox güman ki, bu, naqilsiz şarj texnologiyasının dəstəklənməsi üçün edilib. Lakin heç istisna deyil ki, şüşədən hazırlanmış arxa panel yalnız görünüş xarakteri daşıyır.

Bənzər xəbər

Apple şirkəti iPhone SE (2020)-nin Plus versiyası üzərində çalışır

Kamera və işıqlandırma sistemi həmin yerdə yerləşiblər və onların ölçüləri dəyişilməz olaraq qalıb. Smartfonun kənar hissələrində isə alüminium materialdan olan çərçivələr yerləşdirilib. Smartfonun aşağı hissəsində 3.5 mm-lik audiogiriş də var. Bu isə iPhone SE 2 haqqında daha öncədən sızdırılmış məlumatları təkzib edir. Belə ki, əvvəlki məlumatlara əsasən smartfon 3.5 mm-lik audiogirişə sahib olmamalıdır.

Həmçinin fotolardan da görmək olar ki, smartfonun aşağı hissəsində Home düyməsi var. Bu isə o deməkdir ki, cihaz Touch ID texnologiyasına sahib olacaq. Sızdırılmış fotolardan belə qənaətə gəlmək olar ki, xərcləri azaltmaq üçün Apple şirkəti əvvəlki dizaynı saxlayacaq. Lakin onu da nəzərə almaq lazımdır ki, bu fotoların dəqiq olaraq iPhone SE 2-yə aid olub-olmadıqları bilinmir. Buna görə də sızdırılmış fotolara bir qədər şübhə ilə yanaşmaq lazımdır.