iPhone və Galaxy-ni ABŞ bazarında sıxışdırmaq üçün 'Xiaomi' və 'Huawei' mobil operatorlarla danışıqlara başlayıblar

ABŞ-ın mobil telefon bazarı operatorlar üzərində qurulub. Bu isə o deməkdir ki, ABŞ-da insanlar mobil telefonları əsasən operatorlardan alırlar. Bu zaman isə onlar mobil operatorların təqdim etdikləri rabitə xidmətləri üzrə müqavilə bağlayır və ya sahib olduqları müqavilənin vaxtını uzadırlar. ABŞ-ın smartfon istehsalı üzrə aparıcı şirkəti olan “Apple” mobil operatorların öz müştərilərinə iPhone modellərinin alışını subsidiyalaşdırılması xidmətini verməklə faktiki olaraq bu şirkəti digərləri ilə rəqabətdən azad etmişdi.

İndi isə ABŞ-da iPhone modelləri 2 illik kreditlə satılır. Bu isə heç bir subsidiyanın olmaması deməkdir. Belə bir vaxtda səhnəyə digər oyunçular çıxmalıdırlar. 1000$-lıq iPhone və ya Galaxy seriyasının hansısa flaqman modeli əvəzinə çinli istehsalçılar amerikalılara öz variantlarını təklif edə bilərlər. Lakin bunun üçün ilk öncə “AT&T” və “Verizon” kimi nəhəng mobil rabitə operatorları ilə razılığa gəlmək lazımdır. Amerikalıların özləri də digər təmsilçilər ilə çalışmaqdan heç də imtina etmirlər. Əsasən də çinli təmsilçilər ilə. Məsələn “Verizon” həmçinin Google Pixel 2-ni, “Sprint” Essential Phone smartfonunu, “AT&T” isə ZTE Axon M modelini satır.