iPhone X-in hissələrə ayrılması haqqında video təqdim olunub

Bu dəfə smartfonu hissələrə ayıran iFixit mütəxəssisləri deyil, çinli mütəxəssislər oldu. iPhone X-in konstruksiyası keçmiş modellərdən o qədər də fərqlənmir. Smartfonun ənənəvi olaraq hissələrə ayrılması prosesi ekranın korpusdan çıxarılması ilə başlayır. Ekanı korpusdan ayıran zaman çox ehtiyyatlı olmaq lazımdır. Belə ki, o, sağ tərəfdən sistem platasına birləşdirilib. Ekranın ayrılmasından sonra nəzərə çarpan ilk şey batareyanın qeyri-adi konstruksiyasıdır.

Belə ki, iPhone X-də o, ənənəvi monolit əvəzinə ikilidir. Lakin onun həcmi kiçikdir. Çox güman ki, bu cür konstruktiv qərar, cihazın korpusunun daxilindəki boş yerdən daha effektiv istifadə üçün verilib. iPhone X-in daxilində daha fərqləndirici özəllik isə onun kiçik ana plataya sahib olmasıdır. Qeyd etmək lazımdır ki, yaxın zamanda internetdə sözügedən smartfonun hissələrə ayrılması haqqında daha keyfiyyətli videolar ortaya çıxmalıdır.