İran hökuməti bitcoin mayninqini müəyyən müddətlik qadağan edib
Elm & Texnologiya
27.05.2021
Farid Pardashunas
İran hökuməti bitcoin mayninqini müəyyən müddətlik qadağan edib. İran prezidenti Həsən Ruhani-nin sözlərinə əsasən bu qərar elektrik enerjisinin çatışmazlığı səbəbilə qəbul edilib. Belə ki, bitcoin mayninqi nəticəsində böyük şəhərlərdə elektrik enerjisinin kəsintisi problemi yaşanır. Bu barədə Reuters saytı xəbər verib. Arab News saytının verdiyi məlumatda qeyd edilib ki, 18 iyun tarixində baş tutacaq prezident seçkiləri öncəsi etirazların qarşısını almaq üçün İran hökuməti bitcoin mayninqini 22 sentyabra qədər qadağan edib.
İranlılar elektrik enerjisinin tez-tez kəsilməsi səbəbilə hökuməti tənqid etməyə başlayıblar. Prezident bildirib ki, elektrikin tez-tez kəsilməsi kriptovalyuta mayninqi üçün elektrik enerjisinə olan yüksək tələbat ilə bağlıdır. Blockchain analitiklər aşkar ediblər ki, bütün dünya üzrə kriptovalyuta mayninqinin 4.5%-i məhz İranın üzərinə düşür. Bu ölkənin yerli maynerləri ildə təqribi olaraq 600 meqavatt elektrik enerjisindən istifadə edirlər. Qeyd etmək lazımdır ki, elektrik enerjisinin istehsalı üçün İran neftdən istifadə edir. Bu isə öz növbəsində ölkəyə ABŞ sanksiyalarından yan keçməyə və ildə 1 milyard dollar gəlir əldə etməyə yardımçı olur.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)