İstifadəçilər App Store ilə Google Play'də yarım ilə ümumilikdə 39.7 milyard dollar vəsait xərcləyiblər

İstifadəçilər App Store ilə Google Play'də yarım ilə ümumilikdə 39.7 milyard dollar vəsait xərcləyiblər

Texnologiya
04.07.2019 PAYLAŞIM

    Sensor Tower adlı analitik servis bu ilin birinci yarısında mobil tətbiqlərin qazancları barəsində hesabatı təqdim edib. Beləliklə servisin verdiyi məlumata əsasən App Store ilə Google Play istifadəçiləri hər iki platformada ümumilikdə 39.7 milyard dollar vəsait xərcləyiblər. Bu isə keçən ilki göstəricidən 15% çoxdur. Belə ki, keçən il istifadəçilər ümumilikdə 34.4 milyard dollar vəsait xərcləmişdilər. Bu barədə Vc.ru saytı xəbər verib.


Bənzər xəbər


    Ən çox vəsaiti App Store istifadəçiləri xərcləyiblər. Onlar ümumilikdə 25.5 milyard dollar vəsait xərcləyiblər. Bu isə Google Play-də xərclənmiş vəsaitdən 80% çoxdur. Google Play-də 14.2 milyard dollar vəsait xərclənib. Bununla belə Google şirkətinin platforması keçən ilin eyni zaman intervalındakı göstəriciləri ilə müqayisədə bu il daha çox gəlir yüksəlişi sərgiləyir. Belə ki, Google-da bu göstərici 19.6%, Apple şirkətində isə 13.2% yüksəlib.

    Oyunlara aid olmayan tətbiqlər arasında ən çox gəliri Tinder qazanıb. İstifadəçilər bu tətbiqə hər iki platformada ümumilikdə 497 milyon dollar vəsait xərcləyiblər. İkinci yerdə Netflix servisi qərarlaşıb. Qeyd etmək lazımdır ki, App Store servisinə komissiya ödəməkdən boyun qaçırtmaq üçün Netflix şirkəti öz tətbiqinin iOS versiyasında ödənişli abunəlik funksiyasını aradan qaldırıb. Ümumilikdə isə Netflix hər iki platformadan 399 milyon dollar gəlir əldə edib.


    Sensor Tower-ın hesabatında həmçinin tətbiqlərin yüklənmə barəsində statistikaları da yer alıb. Beləliklə App Sore-da həmin göstərici 1.4% aşağı düşüb. Bu isə Çindən olan yükləmə saylarının azalması ilə əlaqədardır. Google Play-də bu göstərici 16.4% yüksəlib. İstifadəçilər daha çox Whatsapp, Messenger, Tik-TokInstagram tətbiqlərini yükləyirlər.

    Sensor Tower həmçinin istifadəçilərin mobil oyunlara xərclədikləri vəsaitləri də qeyd edib. App Store-da oyunlara xərclənmiş ümumi vəsait 17.6 milyard dollar, Google Play-də isə 12 milyard dollar təşkil edib. Daha çox gəliri isə Honor of Kings, Fate/Grand Order, Monster Strike, Candy Crush SagaPUBG Mobile kimi oyunlar əldə ediblər. Bununla yanaşı PUBG Mobile ilə yanaşı istifadəçilər öz cihazlarına daha çox Color Bump 3D Garena Free Fire oyunlarını yükləyiblər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Məşhur analitik Apple şirkətinin ilk AR cihazı barəsində yeni məlumatlar verib..

Məşhur analitik Ming-Chi Kuo-nun yeni hesabatına əsasən Apple şirkətinin AR cihaz (Artırılmış Reallı..


AR texnologiyasının yaradıcısı metakainatı sosial şəbəkələrdən daha təhlükəli he..

Metakainatların (metaverse) yaradılmasının hansı nəticələrə gətirib çıxaracağını öncədən proqnozlaşd..


Apple-dan sonra Xiaomi də öz cihazlarının istifadəçilər tərəfindən fərdi təmir x..

Apple şirkətindən sonra texniki məhsulların istifadəçilər tərəfindən fərdi şəkildə təmir imkanını Xi..


Yeni daşınıla bilən cihaz yüksək dozada narkotik vasitənin qəbulu halında insan ..

Nalokson adlı dərman preparatı heroin və ya digər opioid növlərinin yüksək dozada qəbulu nəticəsində..


Qualcomm bundan sonra öz prosessorlarını fərqli tərzdə adlandıracaq

Qualcomm şirkəti yeni flaqman prosessorunun təqdimat tarixini təsdiqləməklə yanaşı öz məhsullarının ..


Amerikalı alimlər sümüklərə inteqrasiya edilən naqilsiz mikrokompüterlər yaradıb..

Arizona Universitetinin tədqiqatçıları naqilsiz ultranazik cihazlar yaradıblar.

×