The Next Web saytının redaktorlarının öz evlərində quraşdırdıqları mining ferması onlara 1 ay ərzində 900$ gəlir gətirməklə yanaşı həmçinin istilik sistemi qismindədə çıxış edib.

Redaktorlar hazır mining fermasını Rusiyanın “Comino” adlı şirkətindən əldə ediblər. Bu, xüsusi olaraq mining üçün hazırlanmış və özündə 8 videokartı birləşdirən kompüterdir (ASUS Mining P106-100 6G). Həmin sistemi metal materialdan hazırlanmış kompakt korpusun daxilində yerləşdiriblər. Sistem 3 kiçik ventilyatora və xususi su vasitəsilə soyutma sisteminə sahibdir. Digərlərinin özləri tərəfindən yığılmış mining fermalarından fərqli olaraq bu sistem stabil temperatur və aşağı səs şəraitində daimi çalışma üçün yaradılıb.

Bənzər xəbər

Azercell jurnalistlər üçün təşkil edilən ingilis dili kurslarının qaliblərini mükafatlandırıb

Kompüterə mining üçün xüsusi olaraq təkmilləşdirilmiş Ubuntu sistem əməliyyatı yazılıb. Beləliklə fermanı cərəyana, internetə qoşub elektron portmanat məlumatlarını daxil etmək kifayətdir. 1 ay ərzində bu ferma 1.2 efir (Ethereum) yığıb. Bu isə hal hazırki məzənnə ilə 900$ təşkil edir. Sistem 1 saat ərzində 1 kilovat enerji sərf edir. Jurnalistlər elektroenerjiyə xərclənmiş vəsait ilə birlikdə tam əldə olunmuş gəlir barəsində məlumat verməyiblər. Buna görə də sistemin tam effektivliyini söyləmək bir qədər çətindir.

Lakin qeyd etmək lazımdır ki, efir dünyada məşhurluğuna görə ikinci kriptovalyutadır və onun qiyməti artır. Gələcəkdə həmin 900$ bir neçə dəfə yüksələ bilər. Bununla yanaşı jurnalistlər istilik sisteminə də qənaət ediblər. Belə ki, sistem 1 ay ərzində dayanmadan daxili komponentlərin 60 dərəcə göstəricisində çalışıb. Sözügedən şəxslər Amsterdamda yaşayırlar. Orda isə qış o qədər də sərt keçmir. Buna görə də otaq temperaturunu komfort vəziyyətdə saxlamaq üçün mining ferması yetərli olub.