Keçmiş OnePlus həmtəsisçisinin Nothing adlı yeni brendi ilk naqilsiz qulaqlıqlarını təqdim edib - QİYMƏTİ

Keçmiş OnePlus həmtəsisçisinin Nothing adlı yeni brendi ilk naqilsiz qulaqlıqlarını təqdim edib - QİYMƏTİ

Texnologiya
28.07.2021 PAYLAŞIM

    OnePlus şirkətinin keçmiş həmtəsisçisi Carl Pei bir neçə müddət bundan öncə özünün Nothing adlı yeni brendini yaratmışdı. İndi isə sözügedən brend öz ilk məhsulunu təqdim edib. Söhbət, Nothing Ear (1) adlı naqilsiz qulaqlıqlardan gedir. Şirkət öz ilk məhsulunda əsas diqqəti dizayna ayırıb. Buna görə də Nothing Ear (1) bazarda olan digər analoqlardan tamamilə fərqlənir. Nothing Ear (1) qulaqlıqları şəffaf şarj keysinə sahibdirlər. Bundan əlavə olaraq qulaqlıqların özləri də şəffaf hissələrə sahibdirlər. Bunun sayəsində istifadəçi qulaqlıqların daxilində olan elektronik hissələri görə bilər. Xarici görünüşcə qulaqlıqlar bir qədər Huawei FreeBuds Pro-nu xatırladırlar. Bundan əlavə olaraq qulaqlıqlarda 11.6 düym-lük dinamik drayverlərdən istifadə olunur.


    Nothing Ear (1) qulaqlıqları istifadəçi qulaqlarında olub olmadıqlarını təyin edə bilirlər. Buna görə də əgər istifadəçi qulaqlıqları öz qulaqlarından çıxartsa mahnı avtomatik şəkildə dayandırılacaq. Qulaqlıqları yenidən taxan zaman isə mahnı qaldığı yerdən davam edəcək. Bir sıra müasir qulaqlıqlarda olduğu kimi Nothing Ear (1) də ətraf səs-küyün aktiv boğulması funksiyasını dəstəkləyir. Lakin istifadəçi istədiyi zaman bu funksiyanı deaktiv edə bilər. Bu halda o, ətrafdakı insanların danışıqlarını eşidə biləcək. İdarəetmə prosesi sensorlu panellərə toxunma sistemi vasitəsilə reallaşdırılıb.

    Bununla yanaşı qulaqlıqlar IPx4 standartı üzrə sudan qorunma özəlliyini də əldə ediblər. Qulaqlıqlar bir dəfə şarj olunandan sonra 4.5 saat ərzində çalışa bilirlər. Şarj keysini də nəzərə alsaq, əlavə 25 saat çalışma müddəti təmin olunur. Qeyd etmək lazımdır ki, çalışma müddəti ətraf səs-küyün aktiv boğulmas funksiyasının aktiv olub-olmamasından asılıdır. Yuxarıda qeyd edilmiş çalışma müddəti bu funksiyanın aktiv halda olduğu zaman sərgilənir. Sözügedən naqilsiz qulaqlıqlar sürətli şarj texnologiyasını da dəstəkləyirlər. Bunun sayəsində 10 dəqiqə şarj olunmaqla qulaqlıqlar 1.2 saat çalşa bilirlər. Təbii ki, Nothing Ear (1)-də Qi standart üzrə naqilsiz şarj texnologiyasının dəstəyi də reallaşdırılıb. Nothing Ear (1) gələn ay satışa çıxacaq və Avropada 99 avro qiymətində satılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


SpaceX heç bir astronavtın iştirakı olmadan 4 nəfər turisti kosmosa göndərib (Vİ..

Kosmik uçuşlar yeni bir şey deyil. Lakin bununla adətən professional şəxslər məşğul olurlar. SpaceX ..


Apple A15 Bionic prosessoru Qualcomm ilə Samsung-un flaqman prosessorlarını geri..

Məşhur Geekbench bençmark saytında A15 Bionic prosessoruna sahib iPhone 13-ün test nəticələri ortaya..


Apple şirkəti Watch 7-dəki vacib funksiyanın digər tətbiqdən kopyalamaqda günahl..

Apple şirkətinin öz yeni məhsullarını təqdim etməsindən sonra Kosta Eleftheriou adlı tərtibatçı Appl..


Apple yeni iPad modellərini və Watch Series 7 smart saatını təqdim edib - QİYMƏT..

Apple şirkəti yeni iPhone 13 smartfonları ilə yanaşı həmçinin yeni iPad planşetləri ilə Watch Series..


Xiaomi AR funksiyalara sahib Smart Glasses adlı eynəyini təqdim edib (VİDEO)

Xiaomi şirkəti yeni qeyri-adi məhsulunu təqdim edib. Söhbət, AR (artırılmış reallıq) funksiyalara sa..


Apple şirkətinin həmtəsisçisi Steve Wozniak özünün kosmik şirkətini yaradıb (VİD..

Apple şirkətinin yaradıcılarından biri olan Steve Wozniak fərdi kosmik şirkətini yaratdığını elan ed..

×